影片
更多
2023-05-26
474 浏览
「Siam 28」位於銅鑼灣澳門逸園中心，鄰近銅鑼灣港鐵站及SOGO，位置非常便利。由正宗泰國人主理，無需專程去九龍城，都能食到地道嘅泰國風味。最重要係價錢合理，原價已經唔貴，現時經OpenRice訂座晚市仲有單點餐牌七折優惠。半生熟三文魚伴香茅沙律 ($99): 三文魚柳外脆內軟，加上酸辣嘅香茅沙律，味道濃郁，酸酸甜甜帶輕微辛辣，都幾惹味。香茅雞脾菇蛋碎生菜包 ($69): 有別於傳統嘅肉碎生菜包，呢款以蛋碎及雞脾菇粒炒製，蛋夠滑唔會太熟，雞脾菇粒爽口，加上微辣嘅口味，食落又不缺肉感，反而覺得幾香口好食。鮮蝦炒金邊粉 ($128): 蛋網包住嘅泰式金邊粉加入花生碎、辣椒粉及青檸汁調味，調味較重，味道偏濃郁，鮮蝦爽滑彈牙，味道係唔錯。但金邊粉質感略濕，唔夠乾身。芒果煎糯米飯 ($88): 糯米飯略經煎香，外層香脆，內裡軟糯，都幾香口，芒果清甜唔酸。經OpenRice訂座晚市，Singha Bottled Beer買一送一
最重要係價錢合理，原價已經唔貴，現時經OpenRice訂座晚市仲有單點餐牌七折優惠。
半生熟三文魚伴香茅沙律 ($99): 三文魚柳外脆內軟，加上酸辣嘅香茅沙律，味道濃郁，酸酸甜甜帶輕微辛辣，都幾惹味。
香茅雞脾菇蛋碎生菜包 ($69): 有別於傳統嘅肉碎生菜包，呢款以蛋碎及雞脾菇粒炒製，蛋夠滑唔會太熟，雞脾菇粒爽口，加上微辣嘅口味，食落又不缺肉感，反而覺得幾香口好食。
鮮蝦炒金邊粉 ($128): 蛋網包住嘅泰式金邊粉加入花生碎、辣椒粉及青檸汁調味，調味較重，味道偏濃郁，鮮蝦爽滑彈牙，味道係唔錯。但金邊粉質感略濕，唔夠乾身。
芒果煎糯米飯 ($88): 糯米飯略經煎香，外層香脆，內裡軟糯，都幾香口，芒果清甜唔酸。
經OpenRice訂座晚市，Singha Bottled Beer買一送一
张贴
