🇹🇭🥣🥢食住泰菜倾计好地方✨openrice订座饮品七折，✨堂食限时2小时✅蚝仔煎蛋- $89呢个蚝仔煎蛋好有泰式风味，而且都几大份，啲蛋炸得好脆，蚝仔亦都几多同埋新鲜，底下有啲芽菜垫底，有两款嘅辣酱可以作调味，既香口又惹味😋✅炸软壳蟹拌红咖喱蟹肉汁配薄饼四件- $188✅薄饼六件 -$23软壳蟹真系几香脆，同埋个咖喱汁真系好好味，吾会好辣，唔食辣嘅人都食到。咖喱配薄饼真系一流，薄饼香酥，所以我哋另外加钱要咗啲薄饼点埋啲汁。✅椰汁鸡汤 -$99汤会用个火炉热住上，不过由于我哋有五个人碟，店员直接帮我哋分埋，悭返d位，每人都有大半碗，配料都几多，有好多嘅菇、香茅、洋葱、鸡肉，椰汁味都好浓，暖身又养胃。✅蒜香椰菜苗 -$89呢款落单嘅时候叫咗炒淋啲，椰菜苗好翠绿，而且都几爽口，几好味，份量都OK。✅炒鲜虾金边粉 -$122鲜虾有三只，都几爽口弹牙，金边粉用蛋丝包住，酸甜开胃，份量都足够，都有啲葱、豆腐干、芽菜丝等嘅配料，虽然冇话特别有惊喜，但都好食。✅芒果煎糯米饭 -$89呢个甜品人多必叫！但2个人食应该太饱😂煎糯米饭总共有五片，外皮用蛋浆煎香左，蛋香配埋糯米饭嘅软糯感，加埋椰浆嘅甜香，口感味道都一流。芒果都有好多，而且都唔酸，已经切好晒，就咁食又得，点椰浆食都得。✅芫荽蜂蜜梳打 -$48✅龙眼冰 -$48呢个系未七折嘅价钱七折咗大约30几蚊，芫荽蜂蜜梳打几有特色，有大量嘅芫荽喺入边，但系要食埋啲芫荽先会有芫荽味，如果净系饮嘅话芫荽味唔算好浓。龙眼冰就正正常常都有好多粒龙眼。…查看更多
