橋底辣蟹

营业中

休息中

同同事食晚飯，喺鵝頸橋嗰頭左揀右揀行咗黎呢間「橋底辣蟹」，成間舖頭都好中式好特別設計。問咗經理有咩好介紹經理就介紹我哋兩個食個二人套餐，裏面就包含咗最出名既橋底辣蟹，勁多蒜頭爆出嚟又香又辣，啲蟹肉又夠實淨, 蟹鉗又夠大隻，成碟菜好豐富同埋好滋味。另外個套餐仲包含咗個豉椒炒蜆 好食得來，又夠新鮮喎！配埋豆豉食好正 仲有清炒時菜，啲菜心又夠靚又新鮮 仲好大碟添👍🏼又夠爽脆又夠甜二人套餐裏面仲包含咗一個佛跳牆，每人一碗裏面仲好多料 有鮑魚、香菇、雞肉，兩個人食個二人套餐真係啱啱好 服務都非常之唔錯。