影片
更多
2022-08-09
835 浏览
拉麵來也算香港數一數二正宗又好食嘅拉麵店，今日去咗尖沙咀分店朝聖，店舖裝修擺設非常有日本風味，這裏主打六款不同湯底嘅拉麵，湯底極具特色有別於一般拉麵店，另外仲有好多自家製嘅特色小食千祈唔好錯過👍🏻最喜歡佢哋嘅Menu，我估係人手繪畫，將每款食物嘅賣相用畫呈現出嚟，真係超級靚，睇到啲相咁靚真係樣樣都想食，另外調味配料就像日本拉麵店一樣，有蒜頭，高菜，芝麻，胡椒粉，昆布醋😋🍜🐔▪️北海道牛乳忌廉湯叉燒拉麵 $ 98雞白湯配上香滑北海道牛乳忌廉醬，秘製關西特色自家製雞肉叉燒，清甜甘荀絲、新鮮紫椰菜、靈芝菇及葱花，材料豐富，湯底超濃忌廉味雞湯味，雞肉叉燒第一次食好香滑，配菜非常特別，蔬菜好爽口，非常唔錯嘅一碗拉麵▪️追加日本糖心蛋 🥚$ 17 / 火炙叉燒 🐷$ 25雞蛋應該浸咗醬汁好耐，好濃味，充滿蛋香叉燒就係傳統日本拉麵叉燒，半肥瘦，炙燒完之後特別惹味👍🏻🍜🦐▪️極上海老吟釀湯拉麵 $ 104以日本直送白蝦頭、蝦味噌及月本清酒烹調，配上每月親自採購的海花蝦、京葱及紫菜粉，湯底睇顏色就知道味道超級香濃，蝦味真係濃到不得了，而且好杰身，配上彈牙嘅拉麵真心超正，另外有三隻大蝦非常爽脆，湯底好飲
拉麵來也算香港數一數二正宗又好食嘅拉麵店，今日去咗尖沙咀分店朝聖，店舖裝修擺設非常有日本風味，這裏主打六款不同湯底嘅拉麵，湯底極具特色有別於一般拉麵店，另外仲有好多自家製嘅特色小食千祈唔好錯過👍🏻
最喜歡佢哋嘅Menu，我估係人手繪畫，將每款食物嘅賣相用畫呈現出嚟，真係超級靚，睇到啲相咁靚真係樣樣都想食，另外調味配料就像日本拉麵店一樣，有蒜頭，高菜，芝麻，胡椒粉，昆布醋😋
🍜🐔▪️北海道牛乳忌廉湯叉燒拉麵 $ 98
雞白湯配上香滑北海道牛乳忌廉醬，秘製關西特色自家製雞肉叉燒，清甜甘荀絲、新鮮紫椰菜、靈芝菇及葱花，材料豐富，湯底超濃忌廉味雞湯味，雞肉叉燒第一次食好香滑，配菜非常特別，蔬菜好爽口，非常唔錯嘅一碗拉麵
▪️追加日本糖心蛋 🥚$ 17 / 火炙叉燒 🐷$ 25
雞蛋應該浸咗醬汁好耐，好濃味，充滿蛋香
叉燒就係傳統日本拉麵叉燒，半肥瘦，炙燒完之後特別惹味👍🏻
🍜🦐▪️極上海老吟釀湯拉麵 $ 104
以日本直送白蝦頭、蝦味噌及月本清酒烹調，配上每月親自採購的海花蝦、京葱及紫菜粉，湯底睇顏色就知道味道超級香濃，蝦味真係濃到不得了，而且好杰身，配上彈牙嘅拉麵真心超正，另外有三隻大蝦非常爽脆，湯底好飲到一滴都冇得剩🤣🤣
🍢▪️免治雞軟骨串 $ 34
外表好似好平凡，外層燒到微微焦香，一口咬落去之後，雞肉好Juicy，大量嘅雞軟骨粒粒，非常爽脆，而且調味好夠味，不用點任何醬汁已經非常好食
🥟▪️自家製餃子 $ 40
必食推介，餃子非常飽滿，餃子皮薄薄煎到好香脆，餃子餡係傳統嘅椰菜豬肉，肉汁好豐富，點上自己製嘅醬油香醋，超級正
🍎▪️信州蘋果梳打 $ 25
好多日本直送嘅飲品可以選擇，蘋果梳打清清甜甜充滿蘋果香，配上濃味嘅拉麵就一流
张贴
