日本昭和怀旧街角Feel！期间限定双倍海胆三文鱼子拉面劲澎湃来到「拉面来」，都会有种时光倒流嘅感觉。呢个以昭和年代为主题嘅拉面屋，令人一踏入就瞬间「穿越」去日本街角。今次仲好幸坐到大玻璃窗前面，一边望住街外车水马龙嘅夜景，一边享用热辣辣拉面，真系写意又具情调。🍜 双倍海胆加三文鱼子黄金海胆三文鱼子拉面餐牌上有超过十款拉面同拌面选择，另有数款期间限定款式，季节感满溢，令人每次嚟都有新惊喜。当晚我就拣咗期间限定「黄金海胆三文鱼子拉面」，再升级为「双倍海胆加三文鱼子」——完美俾我呢啲海胆控大满足! 🧡💯呢碗拉面用上加拿大海胆，配以香浓鸡白汤为底，加入海胆丰厚鲜香；汤汁金黄顺滑，入口浓郁却不腻。上面铺满新鲜又光泽闪亮嘅三文鱼子、溏心蛋、自家制叉烧、水菜同紫菜丝，色香味俱全。面底可拣软、适中或硬身，仲可自行加配料。贴心嘅系，店方特备「蟹酢」俾客人调味，为海胆汤底去腥提鲜，令味道更显细腻层次，鲜甜之中多一份深度。🦐 秘制自家手打脆炸虾丸除咗主角拉面，当然唔少得小食加持。我点咗「秘制自家手打脆炸虾丸」，外层金黄酥脆，咬落去内馅弹牙多肉，真材实料。配上店家特调酸甜酱汁，香口好味! ❤️🔥🍢🍇 麝香葡萄梳打饮品选择「麝香葡萄梳打」，淡淡果香带少少甜气，清甜解腻，同拉面嘅浓厚汤头互相平衡。💚🍹拉面来亦有提供自家制香辛高菜、生蒜、芝麻等调味料，供食客根据个人口味加入拉面享用。对我嚟讲，呢啲细节正正显示出店家对餐饮体验嘅用心。💖享受呢度嘅昭和怀旧份围、💖钟意佢哋插画风格嘅菜单、💖喜欢充满创意嘅食材配搭、正宗又有特色亦都感谢店员嘅详细介绍🙏🏻临走前已经谂好下次要再嚟试「大闸蟹味噌鸡白汤粒面」🦀同「广岛牡蛎牛尾汤拉面」🦪，听个名都够吸引！…查看更多
