影片
更多
2017-09-24
5032 浏览
一個「識飲識食」嘅同事前排發掘左呢間「101手工涮涮鍋」，仲大力推薦，當然要嚟看個究竟啦~ 幾日前嚟食左個超抵午餐，真心正! 今晚就約同事嚟食晚餐，正嘢 梗要嚐盡日與夜!好鍾意呢度，因為身處29樓，日景明亮開揚，夜景萬家燈火閃耀。新裝修，座位寛敞舒適，坐近窗邊位置，望出去已經感覺心曠神怡。晚餐前菜有手工麻辣麻醬手撕雞(微辣)同秘製麻辣木耳，也是可無限追加。兩款都係有少少麻辣又唔太辛，口感過癮。食台灣涮涮鍋最啱揀返個台式湯底 - 台灣香辣三杯卜卜蜆涮涮鍋，叫左小辣，辣度適中，令到啲食物更香口。卜卜蜆數量唔少，鮮甜冇沙。加$58可以有一位時令海鮮拼盤，有齊五種海鮮 - 珍寶美國桶蠔、原隻鮑魚、游水大海蝦、馬刀貝、卜卜大蜆，可以上齊晒野再考慮追唔追加嘅，因為個餐本身都好多野食。高級肉類可以三揀一，每兩位可揀一碟，手切安格斯Prime Grade牛頸脊肥牛片、西班牙伊比利亞黑毛豬肉片或西班牙伊比利亞玫瑰黑毛豬頸肉，牛摩王嘅我哋當然係揀牛啦。原來係一板上，牛頸脊入口嫩滑，肥瘦適中，牛味濃。火鍋拼盤有兩款揀，101特選手工火鍋拼盤或者台灣夜市火鍋拼盤，係每位上，即係兩個人可以每款各叫一份。但唔
好鍾意呢度，因為身處29樓，日景明亮開揚，夜景萬家燈火閃耀。
新裝修，座位寛敞舒適，坐近窗邊位置，望出去已經感覺心曠神怡。
晚餐前菜有手工麻辣麻醬手撕雞(微辣)同秘製麻辣木耳，也是可無限追加。兩款都係有少少麻辣又唔太辛，口感過癮。
食台灣涮涮鍋最啱揀返個台式湯底 - 台灣香辣三杯卜卜蜆涮涮鍋，叫左小辣，辣度適中，令到啲食物更香口。卜卜蜆數量唔少，鮮甜冇沙。
加$58可以有一位時令海鮮拼盤，有齊五種海鮮 - 珍寶美國桶蠔、原隻鮑魚、游水大海蝦、馬刀貝、卜卜大蜆，可以上齊晒野再考慮追唔追加嘅，因為個餐本身都好多野食。
高級肉類可以三揀一，每兩位可揀一碟，手切安格斯Prime Grade牛頸脊肥牛片、西班牙伊比利亞黑毛豬肉片或西班牙伊比利亞玫瑰黑毛豬頸肉，牛摩王嘅我哋當然係揀牛啦。原來係一板上，牛頸脊入口嫩滑，肥瘦適中，牛味濃。
火鍋拼盤有兩款揀，101特選手工火鍋拼盤或者台灣夜市火鍋拼盤，係每位上，即係兩個人可以每款各叫一份。但唔想食太多內臟，兩個人都揀左「101特選手工火鍋拼盤」。有八款食物，都幾有特色，墨魚汁鳥結糖、黑松露蟹子海鮮軍艦、太極冬菇、黑松露蟹肉餃、黑松露芝士豚肉餃、安格斯霜降牛丸、三重芝士鮮製蝦丸、三重芝士鮮製墨魚丸。我比較鍾意有芝士嗰幾樣，咬落入面有半溶芝士，好惹味。
手工即炸響鈴卷拼手工即炸魚皮，好巨型好鬆脆，因為即製，就咁食都已經好好食。
仲未夠喉，可以免費追加呢啲野食。
二人叫半份嘅話，大約有兩件，細細份最好，可以每樣叫少少試吓先。
白鱔片超好食，好彈牙，回本之選。
食豪啲? 俾錢追加又啲靚嘢食又得。
最後甜品有木糠珍珠奶茶布丁同木糠朱古力布丁揀，叫左兩杯木糠朱古力布丁。質感香滑，味道豐富，正~
呢度仲有個特色就係無限暢飲，好多特飲、酒精類飲品(Cocktail、紅/白酒、啤酒)都可以飲到飽。出面飲一杯都最少50蚊，又係回本之選。
就連Mocktails，你都可以TICK「不含酒精」，令佢變成Mocktail。不含酒精嘅Blue Ocean，顏色好靚。
每人$388，要另加$10醬料費，唔係平，但係在乎「精」，環境舒適、服務好(店員好有禮貌，爽快俐落)、用料靚，衛生好(執枱快，執完仲好用心清潔)。
室外有個大露台，無論日與夜，都一定要攞杯野飲出去「嘆」吓個靚景。
值得一提，午餐真係好抵食，一鍋熱辣辣三餸麵連特飲$53，加埋一都唔駛$60。銅鑼灣區可以咁舒服食個lunch，抵~~~
张贴
