水門雞飯 (萬勤商業大廈)

营业中

休息中

老婆有咗特別鍾意食啲酸酸地嘅嘢，尤其係泰國菜，見佢有冇得去旅行，難得同佢出街買啲嬰兒用品，就同佢食呢間水門雞飯。一場黎到，當然要食招牌菜水門雞飯啦，食落口啲雞一啲都唔鞋，而且唔會凍冰冰，上到枱都仲熱辣辣，啲雞多數係雞胸肉，有豐富蛋白質，唔會食肥媽咪呀。跟住帶咗個西蘭花炒鳳尾蝦，入邊有花椰菜有西蘭花，紅蘿蔔，仲有幾隻大蝦，份量都唔少喎，而且原來唔辣嘅，老婆唔食辣都食到！幾好幾好！再嚟又係叫咗個主食，叫咗個泰式炒金邊粉，不嬲我都好鍾意食金邊粉，所以好滿足呀！感覺佢炒得好有鑊氣，但係又唔會太油，最重要係有好多花生同芽菜。食完就早早返咗屋企休息，總括嚟講，都幾滿意，希望下次老婆生完可以黎試啲生冷野啦。