上村牧場

喺舞場上新相識咗位號稱為「千啤不醉」嘅靚女啤后，平時跳舞要就住黎飲，為咗要盡情啤一啤佢，兩口子決定歡樂時光約會，於銅鑼灣「上村牧場」以和牛送啤酒！

1

上村牧場

位於時代廣場嘅日式燒肉店地點夠哂方便，全天放題均限時一百分鐘，最抵就係閒日六點前離開嘅早鳥優惠，$498可享「日本第一的鹿兒島薩摩牛放題：薩摩牛饗宴套餐」，嘻嘻，歡樂在每人只需加多$30更可任飲埋酒酒！

1

日式燒肉放題價格

餐店形於一間木屋般，好襯個牧場店名。光線充裕嘅用餐大堂排出四行卡位，開揚得黎散座夠哂私人空間。

1

用餐大堂

1

四人卡位

舒適嘅卡位簡潔衛生。木造嘅餐桌上有齊備嘅口罩套、圍裙、餐具、廚具及調味料。

1

餐桌上有齊備嘅口罩套、圍裙、餐具、廚具及調味料

無酒精嘅凍熱飲品包括汽水、果汁、茶、水等可於自助飲品區內自己斟出。

1

自助飲品區

1

自助飲品區

點選食物及酒品全靠手提點餐機，所有項目均附有彩圖，落單簡易快捷，仲可以隨時對單。放題限時一百分鐘，由於最後落單時間為完結前三十分鐘，細佬建議大家最好做定功課，規劃好想食啲咩，埋位即點，免得花多眼亂，到時先諗就會浪費寶貴嘅歡樂光陰。

2

手提點餐機

好似迴轉壽司咁，食物全經特急列車輸送，送啱位會著紅燈，衛生又有效率。

1

食物全經特急列車輸送

1

食物全經特急列車輸送

大家記得攞完食物要按返個紅色燈送返架車仔入廚房。雖則點菜傳餸全面電子化，但場內嘅服務生非常友善亦落於幫忙，不時都會清除桌上不潔嘅碗碟，每隔一陣仲會換埋燒爐上嗰塊龬，極為細心體貼。

1

食物全經特急列車輸送，攞完食物記得按返個紅色燈制送返架車仔入廚房

二人主攻三得利罐裝啤酒，不過飲咗幾多就唔公開啦，呵呵呵！

1

三得利罐裝啤酒

因深知燒煮食物需時，頭輪刻意先點咗不用燒煮嘅菜式打底，如軟腍易入口嘅「薩摩牛炙燒壽司」。

1

薩摩牛炙燒壽司

如果唔怕食生牛肉的話，有個日韓組合「薩摩生拌牛肉」，主角鮮紅嘅生和牛用咗秘醬醃製，以青瓜粒及生洋蔥粒墊底，頂面一隻圓碌碌、滑嘟嘟嘅溫泉蛋，撈勻哂所有食材黎食，韓式生和牛集軟潤爽脆香滑於一身，甜美中帶出微微辣勁，清新惹味得很！唔洗哂時間燒，同啤酒又夾，屬好飲懶煮之人嘅恩物。

2

薩摩生拌牛肉

餐牌上嘅百多款食物實在太多，即使有時間燒得切個肚都未必食得落，何況醉翁之意在歡樂，不過都可以重點推介幾款和牛靚餸。當中燒得夠快，個人覺得可以早啲食嘅就係「薩摩牛壽喜燒」，第一碟記緊一定要點「附蛋」嗰款，之後追加揀「無蛋」可善用剩餘嘅蛋蛋，點埋其他菜都仲得。

1

薩摩牛壽喜燒

煮牛肉前先攪勻定隻靚蛋黃，因為薄薄嘅和牛焫幾焫就好快熟。和牛煮到啱自己嘅熟度可放於蛋醬浸浴，軟薄嘅薩摩牛壽喜燒半溶於舌上，！

1

薩摩牛壽喜燒

或許有比較下，雖然「薩摩牛涮涮燒」嘅和牛同樣巧薄，個人就略嫌另配嘅蒜香牛油偏油同膩，都係點蛋醬正得多。

1

薩摩牛涮涮燒

1

薩摩牛涮涮燒

一次過點得太多牛肉時，部份會以拼盤上，幸好全部都有標籤註明，非常清晰。

1

薩摩牛牛五花、薩摩牛里肌肉、薩摩牛涮涮燒

其中薄身嘅「薩摩牛牛五花」及「薩摩牛里肌肉」柔韌中有嚼口，黏上蛋醬即倍添滑溜。

1

薩摩牛牛五花、薩摩牛里肌肉、薩摩牛涮涮燒

細佬嫌燒煮時間長，所以厚身嘅代表只係試咗「薩摩牛內裙肉」，意外地竟然係最鬆潤多汁嘅一款。

1

薩摩牛內裙肉

1

薩摩牛內裙肉

淨食咁多和牛其實好容易會覺得溜滯，大家不妨叫碗「香蔥溫泉玉子飯」黎送，飽滿嘅飯粒可中和靚肉嘅脂肪油膩，簡單撈入溫泉蛋更可添上香滑。

1

香蔥溫泉玉子飯

另外又可以叫啲香辣嘅「泡菜」同清爽嘅「和風菠菜」作間場。

1

泡菜、和風菠菜、泡菜拼盤

飲咗咁多啤酒，女伴居然仲飲得落碗海帶湯，XO仔真心寫個「服」字！

1

海帶湯

除咗薩摩和牛美味之外，送酒佳品有軟薄爽潤嘅「牛舌（蔥鹽）」。

1

牛舌（蔥鹽）

燒得夠燶可以好香脆嘅「豚五花（秘製醬汁）」。

1

豚五花（秘製醬汁）

仲有堅考耐性但香口惹味嘅「雞翼（鹽醬）」。

1

雞翼（鹽醬）

1

雞翼（鹽醬）

甜品有大路嘅雪糕杯，不過小肥始終鍾情煙韌軟彈、微甜輕盈嘅抹茶蕨餅。

1

抹茶蕨餅

銅鑼灣日式燒肉放題餐廳「上村牧場」環境開揚，空間感足，服務生落力周到，電子落單方便環保又衛生，「薩摩牛饗宴套餐」款多味佳，六點前離座平均消費五百多元有任食和牛送啤酒，歡樂放題確真抵玩。