ROYAL INN

呢間喺The One 嘅西式餐廳，走華麗歐式宮廷風格，有白色雕刻圓拱門，好似巴黎凱旋門咁，黑白格仔地板圍住出面座位～遠面就已經覺得呢間餐廳好華麗，獨樹一格。💕門口有個好靚嘅打卡位，唔同花同擺設，好啱啲女仔喺度打卡影靚相，入到微暗嘅燈光，加上好靚啲水晶燈同設計得好有格調嘅bar位，環境優美，氣氛一流，啱晒happy friday 去～今次叫咗燒安格斯西冷扒，叫咗medium rare，覺得呢個熟度食嘅牛扒最好味😋仲見到啲紅肉 ，肉質鮮嫩，好juicy。仲有焗薯做配菜，上面有煙燻左嘅煙肉同酸忌廉，夾埋一齊嚟食好好食。香草牛油焗田螺薯蓉做得好好，好creamy，牛油香草味特出，再配搭埋烘得好脆嘅麵包，mix埋嚟食不錯藍莓芝士蛋糕杯雪糕最後當然唔少得甜品，呢間餐廳無論係外型裝修做得好好之外，對於食物嘅擺設都做得好出色，盤上面放滿碎咗嘅開心果脆脆，可以Mix埋芝士蛋糕或者雪糕一齊食，多咗一個層次感。