餓居

营业中

休息中

成日都好心癢癢好掛住日本🇯🇵前排見到朋友打卡去左間居酒屋可以係櫻花樹下坐塌塌米食野，好有feel，即刻問下係邊間book 嚟試佢地裝潢好有心，一入門口就有個小鳥居，日本感覺返晒嚟～我地有小朋友，佢地就安排左寬敞啲嘅塌塌米比我地坐👍裡頭棵櫻花樹好大棵好啱打卡，坐下櫻花樹下食野，別有一番味道🌸嚟居酒屋緊係試下燒物串燒⭐️月見免治雞肉棒 - 裡面夾雜住脆骨，有咬口，加埋蛋汁更加滑同香⭐️波板五花腩 - 好香口，肥膏個層燒到焦香可口⭐️黑椒雞腎 - 怡到好處，唔會韌到咬唔開⭐️蒜香雞軟骨 - 唔會好似平時啲雞軟骨咁只係得啲骨⭐️脆燒雞皮 - 燒到啱啱好，唔太濕太油淋淋，夠香脆食串燒最啱係配返杯酒，但由於要揸車，所以叫左梳打，一樣咁搭👍梳打比我想像中無咁辣口，果味唔假，唔係藥水味食完串燒再叫多個鍋物⭐️地獄泡菜豚肉鍋一小盛 - 我本身都食得辣，而且一直都覺得泡菜同日本野嘅辣唔係好辣，點知呢個真係地獄般辛辣！🔥一路食一路標汗，但又好似著左魔咁一啖接一啖咁食😂雖然好辣，但真係好惹味，忍唔住要清晒去即刻嗌個甜品解解辣⭐️伯爵茶蛋糕 - 估唔到居酒屋甜品都唔錯喎！茶香味夠，蛋糕鬆軟👍去唔到日本可以嚟呢度止下癮先呀🤗