一喜車仔麵

营业中

休息中

以前去開土瓜灣分店，當唔知道尖沙咀都開咗分店，即刻勁興奮，畢竟方便好多，就喺地鐵站出面，呢間分店大好多，而且裝修得勁靚，外面有個超靚嘅車仔麵檔裝飾，覺得如果帶遊客嚟一定會勁開心！呢間分店完全有香港地道嘅特色，所以有朋友嚟我一定會帶佢哋嚟！手抓單骨西施骨配埋秘製醬汁呢個真係超特別，第一次食到咁方便嘅西施骨，不論味道定口感都勁好食！椒鹽魚片頭同山葵牛丸都係我覺得好特別嘅嘢！香辣蛋骨雞中翼更加唔使講啦，超方便，啖啖肉，超惹味！車仔麵有得揀銀針粉，麻辣汁同埋黃金雞湯湯底都好正，我覺得一定要推介特級瀨尿牛筋丸，深海粒粒墨魚丸，有墨魚嘅墨魚丸，酸齋，汕尾小米果，呢樣嘢幾特別，其實就係豬肉粉果，不過口感Q彈，外面好少機會食到。飲品方面個支裝黑芝麻黑豆豆漿都好濃郁！