影片
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
带台湾朋友觅食的话，最地道的选择除饮茶、茶餐厅及大排档，仲有就系车仔面。重庆大厦隔离的「庆方」商场里面，沿电梯落至地库转右再直行到尽头处，就会见到呢间店嘅古董车仔面车摆设。店内采用港式大排档风格装修，木桌木椅好有怀旧风格，啱晒旅客嚟打卡。呢度除咗有车仔面，仲有好多小食，选择极丰富，价钱亦抵食！尊贵10宝面 $69好多𩠌样样都想试嘅人就一定要点呢碗10宝面。内有入口软淋的牛腩、真系一咬开啲汁就会唧晒出嚟嘅濑尿牛筋丸、腌得好入味嘅瑞士汁鸡翼同翼尖、仲有坊间少见的鱿鱼丸，成分几乎全是鱿鱼造成；还有猪红、猪皮、萝卜、红肠及时菜。牛腩汁味道适中，如果再浓味一点就更好食；油面质地弹牙，与配料搭配得宜。无得输饭 $79呢个饭样样𩠌都好食，真系无得输。有煎到好香口的午餐肉、外脆内嫩的芝士肠，以及肉质厚实的葱油猪扒和鸡扒，搭配葱油拌饭，正！必食厚叉烧(例牌) $78半肥瘦叉烧，肥肉爽口，瘦肉软嫩，蜜汁调味平衡。炸韭菜饺(6只) $30细细粒的韭菜饺皮薄馅足，炸至金黄酥脆，蘸泰式甜辣酱更添风味。汕尾小米粿8粒(猪肉粉粿) $30潮汕有名的小食，真系好有家乡嘅味道。外皮以蕃薯粉搓成，软糯烟靭，包住以五花腩及大地鱼打成的肉馅，正宗食法系蒸，但呢度就以鸡汤煮，一样好食。冠军奶茶(2016金茶王冠军推荐) $19、支装黑芝麻黑豆豆浆 $10奶茶好港式正宗，茶味浓郁，奶香顺滑；豆浆黑芝麻味突出，口感浓稠。
继续阅读
餐厅位于尖沙咀重庆大厦旁「庆方」商场地库，位置实在太方便，扶手电梯落一层行前小小，就见到抢眼的门面设计与门口摆放的模型车仔面档，一眼就能认出。已经黎过好多次，招牌菜都食云，今次试试他们的饭类同自选车仔面。🍛沙嗲牛腩饭沙嗲酱浓郁，咸香中带点微甜，质地浓稠，配饭一流。牛腩炖煮得相当软稔入味，筋膜部位带著胶质，瘦肉部分则丝丝分明。🍜自选车仔面这次选了咖喱汁配淮山面, 不得不赞「一喜」的咖喱汁，系正宗港式带点辛香风，香气扑鼻，惹味但不油腻。淮山面有嚼劲又带点滑溜感，配咖喱一流。🐟咖喱鱼蛋 超推荐! 鱼蛋大大粒，弹牙感十足。有浓郁的鱼鲜味，原来系「低淀粉高鱼肉量」，绝对感受到真材实料。🥕萝卜萝卜焖煮得极为通透，清甜多汁无渣。🐤瑞士汁鸡翼瑞士汁香甜入味，肉质嫩滑多汁。🥟鸳鸯饺一次过食到韭菜饺同菜肉饺。韭菜饺菜香满盈，菜肉饺则鲜味突出，皮薄馅足。🥤自家制石斛竹蔗茅根水清甜滋润🌟餐厅位处黄金地段，地点超级方便，而且价钱经济，如果要食港式味道一定要食呢间。
继续阅读
响尖沙咀iSquare买完嘢响附近揾嘢食，揾揾吓见到呢间车仔面好似几正😋🔸清汤浸萝卜食车仔面最钟意食萝卜，清甜够腍无渣👍🏻🔸炸韭菜饺🥟金黄酥脆嘅韭菜饺好饱满，猪肉加韭菜炸得好香口，配泰式甜辣酱是必需的！🔸咖喱四宝🥘地道嘅咖喱四宝中有鱼蛋、鱿鱼、牛腩、牛栢叶，咖喱酱好香！鱼蛋弹牙、鱿鱼爽口、牛栢叶吸满咖喱汁😍 牛腩炆得入味，份量十足～🔸爆汁濑尿牛筋丸·汕尾马鲛猪肉丸·猪手·酸斋·黄金鸡汤米粉🍜黄金鸡汤好浓郁🤩 配米粉值得一试～一定要食特级濑尿牛筋丸！😍 要原粒放入口食先感受到点爆汁法🤣汕尾马鲛猪肉丸几特别，系较少有嘅选择～猪手有两大嚿炆得够腍👍🏻🔸生炸鸡扒·猪大肠·猪皮·沙嗲汁粗面生炸鸡扒即叫即炸鸡肉仲嫩～ 猪大肠处理得干净又有嚼劲。猪皮吸晒沙嗲汤精华，配埋粗面真系风味十足！🔸瑞士汁鸡翼最后见隔离枱食瑞士汁鸡翼好吸引又叫埋🤣瑞士汁甜甜地，好味到轻松食咗三只🫣餐厅响庆方入面，iSquare对出大马路方向直望就系庆方～落到地库直行到尾转右就见到车仔面档，好易揾👍🏻相比起一般嘅车仔面档，呢度𩠌嘅款式特别多之余，连小食都好多款。样样都想食，要出动大胃王男友清桌🤣🐾猫奴足迹🐾🌐一喜车仔面 (尖沙咀)📍尖沙咀弥敦道36-44号重庆大厦heath庆方地库S19-21号舖
继续阅读
估唔到重庆大厦隔离有一个几靓仔嘅地底商场，里面有一间好地道嘅香港式车仔面店。未入店，先见到一个好吸晴的旧式车仔面车仔。入到去采用港式大排档风格装修，好有怀旧风格。尊贵10宝面啱晒我呢啲唔钟意谂啲咩𩠌嘅人，但样样都想试嘅人点。内有牛腩，濑尿牛筋丸，瑞士汁鸡翼，翼尖，鱿鱼丸，猪红，猪皮，萝卜，红肠，时菜（通菜）。餐厅超大方每粒丸都有两粒，出面好少有车仔面店比咁多料，成碗满晒，料多过面，超少有。想健康嘅朋友可以配上淮山面。上汤鸳鸯饺(3韭,4菜肉）皮薄馅靓，唔会过大嚿，叫来送车仔面加菜，刚刚好。炸韭菜饺(6只)又系鄙薄馅，靓炸到金黄色食落外脆内软口感非常正葱油孖宝饭 (鸡扒+猪扒)鸡扒非常嫩身，外脆内软。猪扒好脆。葱油捞饭超好味。紫菜4宝净𩠌 (黄金鸡汤)餐厅秘制黄金鸡汤，黄金汤饮落有浓浓的鸡味，亦有忌廉汤味，估唔到咁好饮，出面饮唔到呢种鸡汤味道。内有濑尿牛筋丸, 汕尾马鲛猪肉丸, 有鱿鱼的鱿鱼丸,汕尾小米粿。每粒丸都有两粒非常多料。菜芯 （牛腩汁）菜心非常爽甜加埋牛腩汁冇得顶。餐厅自制辣椒酱使用龙虾肉、瑶柱、XO酱做成。食到辣嘅朋友记得买非常之辣，有点似桂林辣椒酱的味道。豆浆同竹蔗茅根都系老板每日新鲜煲制值得叫来试试。豆浆非常浓。味竹蔗茅根饮完好降火。
继续阅读
《一喜车仔面の食评》 by@ihungry.hk土瓜湾嘅食客一定好熟悉呢间车仔面店——一喜车仔面🥰！无论任何时间都会见到有人企排队，大家都系为咗佢哋高质兼充满人情味嘅美食而来！ 汤底都系用上等材料慢火熬制，大部分配料仲要系自家制作，传统手工丸及饺子绝对系超高质👍！🔸『牛宝宝 - $60』牛宝宝包括牛腩、濑尿牛筋丸、肥牛、牛柏叶，可以尽情享受多种牛肉口感，仲可以细味浓郁牛汤嘅鲜味！🔸『自选车仔面 - $68』自选车仔面有多达20配料选择小编特别推荐手打丸类，如芥末贡丸及鱿鱼炸丸，超弹牙超新鲜超Juicy，而汤底方面，小编特别推荐秘制鸡汤🐥，汤底清甜到好似将一整只鸡嘅精华煮出嚟！🔸『咖哩三宝 - $35』咖哩三宝包括鱼旦、鱿鱼及牛柏叶，咖哩的香气与同呢三种食材的丰富度完美结合，令你在咬下第一口时就可以感受到浓郁咖哩香味！🔸『生菜鱼肉 - $30』汤底口感清爽鲜甜，简单却不失风味，鱼肉嫩滑与生菜清脆完美搭配，超好味！ 🌟🔸『新鲜爽滑鱼皮 - $39』鱼皮爽脆可口，搭配重口味调味料，让你欲罢不能！ 鱼皮爽脆口感加上调味料风味，让你一次又一次地回味无穷，非常适合喜爱鱼皮嘅朋友仔😋！🤪iHungry肚饿指数：9/10
继续阅读
您可能会有兴趣的...