蒲羅

营业中

休息中

樂富難得開咗新加坡菜，見餐廳裝修都幾靚，入去試吓睇吓係點今次一行兩人，叫咗兩個主食，兩個小食，同埋兩杯特飲。第一個主食係新加坡大蝦喇沙，有摻摻或者米線，今次揀咗米線。配料好足，糖心蛋，魚片，魚蛋，豆卜，魷魚仲有豆角。成碗面都好夠味，豆卜索哂湯，正第二個叫咗海南雞飯，啲雞好滑，唔會好肥好油，三款海南雞醬汁合格，油飯同埋冬瓜湯都另外叫咗街頭串燒拼盤，有雞肉，蝦同埋魷魚，配埋醬汁超級好食！燒得好合時，一啲都唔硬。跟住有牛油果五色米紙卷，配左芒果醬，好清爽，都幾好食野飲叫左海鹽雪糕椰汁珍多冰同馬來芒果汁配芒果雪糕，打卡好靚，甜甜地清返喉，為今餐劃上句號