滿樂潮州 (東薈城名店倉)

营业中

休息中

今日入咗東涌東薈城shopping掃平貨！但係行街前 都係要醫肚先 見到有間滿樂潮州都幾雅緻 價位又中中挺挻見到佢既招牌菜係鹵水鵝拼盤 就即刻叫咗個師傅都切得幾薄 而且唔會連埋啲肥膏 再點埋個醋 正呀！再叫咗個蒜蓉炸春卷 炸得岩岩好 脆脆地又唔會話燶咗 真係好考工夫！蒜蓉味又唔會蓋過咗蝦既味道！小菜方面我地叫左姜葱花膠海蔘煲 內裡既海蔘炆得林之餘又入味 而且花膠相當厚身又大隻 味道好香 完全無食到膩既感覺！另外一款是潮州反沙芋頭 呢到既反沙芋頭同其他食店唔同 除左賣相好 芋頭同沙糖既比例都做得岩岩好 吃落唔會太甜 而且芋頭炸得好好食！