榮哥廚房私房菜

营业中

休息中

觀塘道436至484號觀塘工業中心3期4樓L室今個月有家人生日，近近地預約左呢間位於觀塘地鐵站附近既私房菜，預約後店員會WhatsApp菜單比我地選擇，之後須下訂金才能正式確定預約。我地今晚既菜單：先上了兩款前菜海蜇頭及陳醋雲耳，但冇影相😫再來每人一份既冷盤，有沙律菜芝麻醬、雙色墨魚仔、茶燻流心蛋伴黑魚子醬配厚切茄子：再來燉湯：原壺燉秘魯人參石斛螺頭湯黑毛豚肉湯，用茶壺上。及原壺燉花膠猴頭菇黑毛豚肉湯。足料、好正！主菜：原隻龍蝦開邊上湯煮黃金沙大虎蝦士多啤梨黑豚肉排骨魚湯菠菜苗寶貝鮑魚仔極尚福建炒飯要讚一讚個福建炒飯，飯底炒得好乾爽粒粒分明好好食😋最後是甜品，薑汁芝麻湯圓，非常重薑汁味，煙煙韌韌，好滿足！要讚一讚其中一位女店員，對老人家非常細心，亦主動幫忙老人家切龍蝦👍🏻🙏🏻唯一美中不足是冷氣唔夠凍，有少少焗。