串囍

营业中

休息中

一直都好少去屯門食嘢，但係一直都知道有好多好嘢食，今日去屯門探好耐冇見嘅朋友新入伙，佢介紹呢間串燒開到好夜，而且性價比好高，咁就一於嚟試吓啦。一去到見到呢度嘅氣氛好好，好多人都串燒配啤酒咁，大家都好開心。一睇Menu見到呢度嘅串燒好平，唔怪得咁多人啦。我認為最值得介紹嘅就係呢個燒雞翼，因為佢嘅雞翼好大隻，而且個皮好脆，燒到外脆內嫩，而且調味都好足夠，非常推薦。另外呢個燒雞皮都好香，燒到好脆，將啲雞又迫晒出嚟，食落唔會感覺好肥，十級推介。燒翠玉瓜比較健康，但係調味都好夠，啱晒平時少食蔬菜嘅朋友。另外燒韭菜份量都好夠，平時唔太鍾意食韭菜，但係佢燒得好香，我都忍唔住食咗好多。呢間串燒餐廳又平又抵食，而且氣氛又好，唔怪得咁多人啦。