滾爺火鍋 (上海街)

营业中

休息中

酷熱警告之下打邊爐？唔使愁，旺角滾爺冷氣夠晒勁。招牌椰子雞鍋：材料用咗兩個椰皇，兩個椰青嘅水，再加埋珍珠馬蹄，同埋半隻白切鷄。椰子水消暑解渴。珍珠馬蹄比正常馬蹄口感彈牙。雞肉本身都索咗啲椰子水味。飲完食完湯之後仲有豬骨湯加添。絕對要試。美國安格斯板眼：牛肉夠晒Juicy，夠晒濃郁牛味。肥瘦比例相當之好。配埋芫茜豉油超好食。Presentation都幾好。唐三藏（田園菇菜拼盤）：唐生菜好新鮮脆口，粟米甜得來嘅煙韌。仲有冬菇添。紹菜仔幼嫩得來甜，而且脆口。雞髀菇都切得好薄。健康美味。大甲崧化芋頭：崧化，有粉感，健康好味。手工韭菜餃：韭味香，餃湯汁鮮。新鮮好味。仲有叫咗手打四寶圓，芝士腸，脆肉鯇。總括：冷氣從入去到離開都夠凍，食物夠新鮮，椰子雞湯消暑解渴，半隻雞夠晒飽。店內嘅裝修都幾好。設+1。