甜牙牙

营业中

休息中

食完飯梗係要食返個甜品，平時黎食窩夫多，不過今日食唔落🤣，食的簡單的既甜品，完結今個假期既晚上😌，叫左2個甜品🍮，邊食邊吹水。🔻水晶仙草芋圓杯 $48🔻好大粒既寒天水晶🤩，好似粒寶石💎咁，影相打卡幾靚😌。淡奶味好香，芋圓好Q彈，同出面唔同既係，佢有綠茶味同黑芝麻味嘅芋圓😋，味道都幾出架，唔係淨係得個色👍🏻，除咗西米露之外，仲有脆珠🤩，啱晒啲咩都想食既人，樣樣有的🤣🔻芒果棉棉冰 $60🔻千層既棉棉冰，天氣涼左無平時食溶得咁快👍🏻，真係可以一層一層慢慢食😚。芒果味好濃，食落幾滑嘅，仲有大量既芒果爆珠同芒果肉😋，酸酸甜甜一咬爆開真係好正🤣，芒果🥭鮮甜唔酸，夾埋椰果再配上棉棉冰，酸甜惹人🥰。