A.T.A.S

营业中

休息中

去銅鑼灣行完街，見有間白色簡約風既東南亞餐廳，就行上一層樓去試下。係創新既東南亞野食，今期有榴槤菜色，榴槤控會好開心 🤭行到成頭汗，我地叫左野飲先 🍹斑斕薏米水：口感清新，not too sweet，非常解渴。佢個顏色太過繽紛，不過味道好既。🍹柑桔水（凍）：呢杯飲品酸甜適中，非常開胃。🍽️小食：辣椒蟹肉醬配炸饅頭：蟹肉醬味道香濃，配上炸饅頭，外皮酥脆，內裡鬆軟，好食 👍🍽️鹹蛋黃軟殼蝦：軟殼蟹食得多，軟殼蝦真係少食，蝦肉質鮮美，配上鹹蛋黃醬，味道獨特，令人回味無窮。🍽️辣椒蟹忌廉醬義大利蛋麵：呢款義大利蛋麵口感爽滑，配上特製嘅辣椒蟹忌廉醬，非常美味。呢間餐廳嘅食物質素非常足料，每一道菜都睇得出係精心製作，如果你鍾意東南亞料理，可以試下呢間餐廳。價錢正常，不太貴，我地2 個人食，連10% 服務費就 $609.4 埋單。