影片
更多
2022-09-02
215 浏览
自從上次一嚐過江龍金色不如歸，呢間東京米芝蓮1星拉麵店🍜，一直對佢嘅拉麵湯底同銀鱈醬油燒念念不忘，今日過開尖東一定要再過嚟試下。 好可惜呀，職員話無銀鱈醬油燒😭😭😭 一定要揀食過番尋味嘅貝汁鹽味拉麵，佢自家熬製嘅金黃色貝汁湯底真係令人回味無窮🤤🤤，用咗每日新鮮直送60斤大蜆去熬製，湯底非常鮮甜，唔會因為鹽味湯底而過鹹，微鹹中帶鮮甜，非常滋味。 呢個湯底再混合豚骨湯同魚清湯三重湯底，配以白松露油、牛肝菌醬、香草同煙肉碎🥓，味道非常特別，而且好香。拉麵煙韌度足夠，掛湯能力十足。食完成個麵一定要飲埋個湯底，真係包你一讚！ 👍另外老公就試咗個貝汁醬油拉麵，湯底望落同貝汁鹽味拉麵差不多，不過食落呢個味道會較濃少少，呢個加咗黑松露醬、牛肝菌粉以及牛肝菌油。拉麵有兩款叉燒，一款低溫叉燒，另一款係三層肉，一肥一瘦，比你試下兩種唔同嘅感覺。 既然無得食銀鱈醬油燒今次試下個唐揚博多華味鳥，即係炸雞。呢個炸雞個外皮好香脆，即叫即炸，上檯時都係冒煙，咬開雞肉非常燙口多汁，係炸雞嘅最高境界。 😛鳥皮烏賊揚都特別，都好特別，出面完全無食過，佢係用炸雞皮包住墨魚滑，非常爽口彈牙，做到外脆內滑，口感獨特。 叫咗支木村
自從上次一嚐過江龍金色不如歸，呢間東京米芝蓮1星拉麵店🍜，一直對佢嘅拉麵湯底同銀鱈醬油燒念念不忘，今日過開尖東一定要再過嚟試下。
好可惜呀，職員話無銀鱈醬油燒😭😭😭
一定要揀食過番尋味嘅貝汁鹽味拉麵，佢自家熬製嘅金黃色貝汁湯底真係令人回味無窮🤤🤤，用咗每日新鮮直送60斤大蜆去熬製，湯底非常鮮甜，唔會因為鹽味湯底而過鹹，微鹹中帶鮮甜，非常滋味。
呢個湯底再混合豚骨湯同魚清湯三重湯底，配以白松露油、牛肝菌醬、香草同煙肉碎🥓，味道非常特別，而且好香。拉麵煙韌度足夠，掛湯能力十足。食完成個麵一定要飲埋個湯底，真係包你一讚！ 👍
另外老公就試咗個貝汁醬油拉麵，湯底望落同貝汁鹽味拉麵差不多，不過食落呢個味道會較濃少少，呢個加咗黑松露醬、牛肝菌粉以及牛肝菌油。拉麵有兩款叉燒，一款低溫叉燒，另一款係三層肉，一肥一瘦，比你試下兩種唔同嘅感覺。
既然無得食銀鱈醬油燒今次試下個唐揚博多華味鳥，即係炸雞。呢個炸雞個外皮好香脆，即叫即炸，上檯時都係冒煙，咬開雞肉非常燙口多汁，係炸雞嘅最高境界。 😛
鳥皮烏賊揚都特別，都好特別，出面完全無食過，佢係用炸雞皮包住墨魚滑，非常爽口彈牙，做到外脆內滑，口感獨特。
叫咗支木村完熟白桃梳打汽水，係日本直送㗎，清清哋嘅白桃，味道香甜。
张贴
