拉麵來

营业中

休息中

好耐冇嚟拉麵來食拉麵。今日過咗嚟食晏，試吓佢哋新限定拉麵：黃金海膽三文魚子拉麵。拉麵湯頭係雞白湯，配上加拿大海膽同埋三文魚籽。配菜有半隻味玉、二塊叉燒、水菜、紫菜。湯底味道清鮮，油膩感比較低，黃金色好搶眼，可以撈埋三文魚子同海膽一齊飲更加誇張。自己再加多隻蛋加餸。叉燒質地淋，少少肥，可以接受。冬天食碗熱拉麵係正嘅。飲品叫咗佢地自家出品嘅無花果蜂蜜啤酒。好香蜂蜜味，但係唔會好甜，可能轉化咗做酒精。泡唔多幾解渴。