好湯好麵 (名店坊)

营业中

休息中

由佢大圍舖開張以嚟，一直收藏左呢間「好湯好麵」，終於有機會一試，心情少不免充滿期待！經過一輪內心掙扎下，最後揀咗蟹黃豬豬麵，一上枱已經被嗰陣濃郁嘅香氣迷住，流哂口水🥢湯底— 第一啖湯落肚，瞬間暖入心！湯非常夠熱，係嗰種燙嘴嘅程度🥵 湯表面會見到牛油 浮面 ，濃郁嘅高湯鮮甜得黎又唔會過膩，每啖湯都充滿層次，既有龍蝦牛油嘅鮮美，又帶住豬骨熬製嘅甘香，口感順滑，令人忍唔住一啖接一啖。配料—蝦子 蟹肉 豬肉片 龍蝦牛油，蟹肉肉質嫩滑，吸收湯底精華，入口即化，完全唔會乾柴。蝦子點綴左整體味道，又唔會搶哂風頭，令每一啖都更有層次感，豬肉片層次分明。加上少量蔥花提味，令湯頭更加突出。麵條—預設左係扁陽春，麵煙韌適中，冇過淋亦冇過硬，吸湯能力極高，每條麵都好好咁掛住濃郁湯底。食落爽口之餘仲帶有彈牙感，令人每啖都回味無窮。啲湯飲到一滴不剩。整體感受—一碗麵就好似一場味覺盛宴，每個細節都恰到好處。由湯底到配料再到麵條，食完麵勁滿足。如果你係愛麵之人，真心推介一定要試試！我已經開始諗緊下次要試埋咩新口味，睇下仲有冇其他驚喜！😋🍜