Proton

营业中

休息中

估唔到係朗屏搵到間精緻型格咖啡店，以灰色色調水泥風裝修。雖然室內位置細小，但座位唔多而且地方亦唔近鐵路站。整體寧靜，感覺自成一角。店員有禮貌又照顧客人，服務態度良好。食物方面 - 久違Yogurt bowl：Mixed berries, red dragon fruit yogurt bowl 擺盤好靚，有花心思。水果份量多而且款式豐富，加入乾果配搭，相對於市區質素性格比高得多，誠意十足。安格斯牛柳粒野菌黑蒜汁手工意粉：牛肉味濃，肉質鬆軟，就算切大粒都無影響煎後熟成度，能夠鎖住肉汁。意粉粗身似烏冬，做到掛汁效果，爽口彈牙，帶輕微鹼水味。餐湯忌廉磨菇湯濃郁厚身蒜蓉包熱烘後脆口鬆軟Flat white 奶泡打得厚身綿密，跟餐半價，抵chill。總結︰午餐無任何服務費，全部食物份量十足，擺盤精緻，性價比極高。