金色不如帰 (H Zentre)

营业中

休息中

行過好多次見到，今日就入去試下。原本想試Lunch set，但lunch set的小食唔係我想要的雞皮烏賊小食，問過點員冇得轉，咁唯有捨棄包餐飲及前菜去散叫。散叫了貝汁鹽味拉麵，雞皮烏賊。拉麵的湯底鮮甜濃郁，麵整碗份量偏少，男士應該唔夠食，麵質跟平常拉麵店不同，比較幼身，雞皮烏賊雖然期待，食後又沒有什麼驚喜，以為雞皮會很脆，但醮的介末醬汁反而不錯。因為點的不是Lunch set,所以沒有飲品，我就主要飲餐廳提供的水，但全程職員沒有refill過，如果是茶餐廳，冇人refill是正常的，二百多元食個lunch,水都冇人斟杯，結賬後，最後我有問個疑似經理為何坐咁耐你地見到客人水杯冇水都冇人refill?佢道歉都冇句，仲話係呀？一句答我就算。相反隔離果間餐廳我食過幾次，啲侍應好醒，久唔久會自動自覺幫客人refill茶。服務水平方面實在有需要提升。