明閣 (香港康得思酒店)

未食前睇食評唔少話服務差，唔想受氣想轉灣仔分店，懶整照去旺角既。幾正常呀，算好，反映返價錢個種好。食完會想再黎單食點心，三種點心都好好食，兩種餃咬落都有鮮甜既汁流出黎。咸水角一啲都唔油，餡好食皮又好咬口。XO醬同唔知咩醬唔掂，好似放好耐，無香氣開始有少少油益味；唔特別。什至唔夠超市是但買既好味，如果要收錢會想打人😅😅😅炒小菜同炒飯唔係特別出色，食完成個餐會記得佢既點心多啲。上每個菜都要等到好無聊先上，節奏太慢，但對想傾計吹水食得耐既食客會係好事黎既。成餐飯液體比例好高，又茶又一大杯橙汁又湯又甜品，食到成肚水。