牛極 (樂聲大廈)

营业中

休息中

睇餐廳名就知，牛係佢哋嘅主打，總共有六款牛可以揀，但唔食牛嘅人都唔使擔心，餐廳好貼心地有其他非牛類之選。一入到餐廳，首先要喺部機度買咗飛先，再等職員安排入座。平平哋，叫咗個牛肩排食。$80，180g其實都唔細舊。嘢食上得好快，一切開，塊牛都係生嘅，但其實塊石好夠熱，煎兩下都已經熟了。如果塊石唔夠熱，職員話可以要求佢哋換，所以可以同朋友慢慢食，傾吓計。味道方面，個人覺得牛肩排比較腍身，淡淡嘅牛味，唔會膻。每一張枱都有鹽、黑椒同BBQ粉俾客人自行調味，我個人覺得就咁用鹽都已經好夠提味了。最後一提，餐廳好細心，安排咗圍裙俾客人，咁就唔怕彈污糟件衫。