羲和雅苑

营业中

休息中

知道海港城新開左好多靚靚餐廳，今次同朋友兩個人去食羲和雅苑，兩個人book左八點，估唔到平日都爆滿，好多外國人去食，因為景觀一流，好彩既話仲可以book到海景位，一路望住維港一路食飯，感覺一流 我地叫左半隻片皮鴨，個師傅仲會即席喺你面前到整，真係好新鮮！店員都好細心講解三種吃法！首先是先吃鴨皮，店員建議配合藍莓醬或爆炸糖一同食用，甜甜的藍莓醬解去了鴨皮的油膩感，爆炸糖則帶來超級刺激的口感。第二盤係鴨胸肉，肉質軟滑，適合配搭「羲和秘製芥末醬」一同食用，有解油膩感的作用，味道剛剛好！第三盤係鴨腿肉，連皮帶肉吃所以入口特別嫩滑，充滿鴨肉香！可以配合八寶盒同粉皮一齊食，我個人至愛山楂條，酸酸味味好開胃！我地仲叫左幾款前菜，雲耳份量好多，辣椒碎使到整道菜都好香辣！唔食得辣嘅要小心哦！仲有冰菜，口感好爽口，唔係度度都食到，大家一定要點！仲有竽絲，我至愛！熱食好有拉絲感覺，不過如果凍左，會好難夾，因為會結成一舊。張氏獅子頭，豬肉內餡頗鬆軟，豬肉味香濃，仲有一口白飯，好惹味。籠仔櫻花蝦海味蒸飯香噴噴，散發陣陣荷葉清香，入面有魷魚、櫻花蝦蛋海鮮，口感豐富，入口鮮甜，飯粒粒粒分明，口感煙韌！