金鶴拉麵 (蜆殼街)

营业中

休息中

又到開飯時候， 見到蜆殼街開咗金鶴拉麵，還在試業中， 好似幾吸引， 就試試先。我們被安排坐二人枱， 見到入面仲有四人枱， 都坐得舒服， 同去了日本小店食拉麵感覺都有啲似，聽住日本歌食拉麵， 感覺唔錯。點了辛味拉麵、枝豆還有燒雞泡魚乾， 我覺得辛味拉麵唔會比日本做得差， 佢個湯底微辣， 不會太鹹， 而且附上肉類亦不算少， 有兩塊雞肉一片豬肉(似火腿), 值得一讚嘅係塊雞肉都幾好食， 雞肉上面有微微黑椒， 令到佢更加出色。 食完拉麵後一段時間我都唔覺得口乾。 服務員好好，見我哋茶飲咗一半就立即幫我哋refill。還有燒雞泡魚乾也是不錯選擇， 燒完入味而且不會太乾身。 枝豆上枱時候仲熱辣辣， 好怕食凍冰冰感覺嘅豆。有興趣仲有q r code掃下有優惠， 今次忘了下次試下先。 食完仲送上牙線，認真窩心。 如果荃灣都有分店就好喇。