makan makan (MONTEREY Place)

收工想喺屋企附近飲杯嘢，又想食得特別啲。原來有間對海嘅馬來西亞菜居然仲有cocktail。喺將軍澳海旁嘅Makan Makan (馬來文即係”食”)，除咗有馬來西亞菜常見嘅串燒、沙律、炒粿條等等之外，仲有靚靚嘅cocktail可以揀。Cocktail嘅Makan Makan Martini，同Mocktail嘅Nanas Paradise，都係帶有熱情果味嘅飲品，我比較欣賞佢唔係太甜之餘，cocktail酒精度亦唔會太嗆喉。串燒就可以任意配搭，我哋就叫做Mix(羊、牛、雞)，配埋佢嘅花生醬，算係唔錯。我哋都係主食度揀咗甘香醬炒啦啦(即蜆)同炒粿條。炒啦啦嘅蜆肉好大隻，有啲似出邊嘅炒蜆，不過味道會偏新加坡式嘅甜。炒粿條除咗河粉，仲有大蝦同蜆肉，都幾豐富。喺呢度，對住海，就算落雨，都可以好好享受一杯。