鴨大哥 (時代廣場)

营业中

休息中

一家人嚟鴨大哥午膳，店內裝修一般，平實到連枱布都冇，價錢亦相當親民，係性價比相當高嘅餐廳。點心嘅選擇亦算多，味道相當扎實(但蝦餃普普通通)，燒賣牛肉鳳爪棉花雞都唔錯。Noise唔講唔知，原來呢間餐廳係厨魔Alvin Leung旗下嘅中式餐廳，但冇整蠱做怪，由裏到外，相當平實可人。北京烤鴨半隻258元，份量亦相當多。一般烤鴨店只著重鴨皮，鴨肉變得可有可無，而鴨大哥嘅烤鴨鴨肉做到嫩滑入味，整體毫不油膩，一定唔會食到滿口油，當然要追求「大董烤鴨」油香四溢嘅烤鴨顧客就會嫌唔夠滿足，不過以香港人嘅口味應該合格有餘。海鮮鴨湯泡飯，材料十足，味道層次豐富，值得推薦，另上嘅一兜脆米有畫龍點睛之效。墨西哥牛奶叉燒包，係一般本地麵包店墨西哥crossover叉燒包，賣相唔算好，但餡料分量十足，味道不錯。