古今

营业中

休息中

呢度好多卷物都拎過獎，所以入嚟試吓，望住個Menu咁多唔同名有好多花款，但係我應該都眼闊肚窄，所以叫咗一款試咗先，呢款選文入邊包住炸蝦出邊又有吞拿魚，再加埋條配咗嘅沙律醬，完全唔使再點醬料，好夠味，層次又豐富，內脆外軟🤣平時意式pizza食得多，今次第一次食日式，個Pizza可以揀千島海鮮、鰻魚、吞拿魚同埋辣三文魚，我哋叫左呑拿魚，廚師將啲吞拿魚得成水，再加咗少少醬料，個餅底用飯炸香一齊食，真係唔似食緊生野，最中意既就係唔係雪到凍冰冰既魚生，食完喉嚨都會唔舒服，呢度岩哂我。原本以為個三文魚湯係二人份，點知一大鍋上🤣，半邊三文魚頭加魚鮫，配上菇菜，鮮上加鮮，湯味鮮甜唔油膩，平時我飲三文魚湯都係煎過，估唔到今次呢個清湯都幾濃味，唔錯👍🏻