影片
更多
2022-01-03
127 浏览
12月聖誕月，除咗食西餐，啲朋友都有約食下中菜，仲要係地理位置相對隔涉嘅呢間。去之前仲以為會好少人，點知都好旺場。當日係朋友請食飯，佢叫乜我食乜😂。🍴香蔥海鹽馬友煎到外皮酥香，肉質依舊keep到滑，唔錯🍴焦糖黑毛豬叉燒調味唔會過甜，肉質都算鬆化，如果肥肉部分再多啲就好了🍴金湯舞茸玉荷苞金黃色嘅係南瓜蓉，大白菜包住菇菌，做間場嘅蔬菜都唔錯，清清地🍴火焰雞當晚好多台都有叫佢，成日見到表演即場點火同敲雞儀式，有得玩有得食。雞食落帶咸香。🍴黃老太梅子蒸蟹好少見梅子醬蒸蟹，梅子醬帶微酸，夾埋蟹肉，唔會搶左海鮮既鮮味，但又多左分梅子香，好特別！🍴香蔥鮑魚砂鍋焗飯呢個壓軸！全晚最愛嘅竟然係平時唔愛既飯。呢個飯睇落似炒飯，食落就知同炒飯唔同，睇落好濃味，但完全唔會有炒飯既油膩感。飯粒保留到口感，吸曬鮑魚汁嘅味道，飯入面仲要平均分佈住好多彈牙鮑魚粒，好食！餐廳位於會展靠海位置，餐廳被維港包圍，夜晚食飯都幾好view。當晚都有唔小一家大細食飯，如果想食餐好少少嘅中菜，又坐得舒服，又有夜景睇下，可以考慮下呢間，同埋記得叫香蔥鮑魚砂鍋焗飯。😳
去之前仲以為會好少人，點知都好旺場。當日係朋友請食飯，佢叫乜我食乜😂。
🍴香蔥海鹽馬友
煎到外皮酥香，肉質依舊keep到滑，唔錯
🍴焦糖黑毛豬叉燒
調味唔會過甜，肉質都算鬆化，如果肥肉部分再多啲就好了
🍴金湯舞茸玉荷苞
金黃色嘅係南瓜蓉，大白菜包住菇菌，做間場嘅蔬菜都唔錯，清清地
🍴火焰雞
當晚好多台都有叫佢，成日見到表演即場點火同敲雞儀式，有得玩有得食。雞食落帶咸香。
🍴黃老太梅子蒸蟹
好少見梅子醬蒸蟹，梅子醬帶微酸，夾埋蟹肉，唔會搶左海鮮既鮮味，但又多左分梅子香，好特別！
🍴香蔥鮑魚砂鍋焗飯
呢個壓軸！全晚最愛嘅竟然係平時唔愛既飯。呢個飯睇落似炒飯，食落就知同炒飯唔同，睇落好濃味，但完全唔會有炒飯既油膩感。飯粒保留到口感，吸曬鮑魚汁嘅味道，飯入面仲要平均分佈住好多彈牙鮑魚粒，好食！
餐廳位於會展靠海位置，餐廳被維港包圍，夜晚食飯都幾好view。當晚都有唔小一家大細食飯，如果想食餐好少少嘅中菜，又坐得舒服，又有夜景睇下，可以考慮下呢間，同埋記得叫香蔥鮑魚砂鍋焗飯。😳
张贴
