盛記粥麵

营业中

休息中

今天突然想食粥，經過旺角見到盛記粥麵好多人就試下。鮮蝦雲吞麵雲吞皮薄而滑包住新鮮的蝦仁同蝦子，一咬開蝦子香在口中蔓延開。麵條彈牙，搭配清爽的湯底，整碗麵食起來既清新又不油膩炸鯪魚球拼南乳雞翼陵魚球好有鮮，搭配佢地自家製的蜆介，充滿懷舊的味道。另外雞翼用南乳醃得好入味，炸到外皮香脆，推介柱候牛筋腩麵牛筋彈滑，牛腩肉質軟滑，兩者配搭得好好，湯底醇厚，散發著濃郁的柱候醬香，特別適合在冬天食盛記艇仔粥這碗粥的料好豐富，每一啖粥都像是有齊海鮮的鮮味，同咸瘦肉的味道，粥底唔會太濃唔會太稀，食完佢成個胃好滿足。店員態度好好，每張枱落單都會重覆確認唔怕叫錯，下次一定會再去。