WM Café & Bar (海之戀商場)

营业中

休息中

同朋友係海之戀行完街，就順便食埋晚飯，呢間WM Cafe環境闊落又小清新，仲有露天位置好有氣氛。朋友點左個晚餐，有湯或沙律，以及餐飲同甜品，主菜揀左烤美國安格斯肉眼扒配紅酒汁。我就食WM 焗安格斯牛肉醬芝士千層麵配薯蓉。要左個忌廉龍蝦蟹肉湯，夠晒濃郁又香，有一絲絲蟹肉，好好飲，份量又多。主菜肉眼扒真係好好食，安格斯牛香味特別好濃郁，肉眼扒有口感得嚟又淋同嫩，牛脂香十足，7成都仲有肉汁，份量都大，2個人食都夠食，正！套餐呢個價有咁靚牛扒，讚。我嘅安格斯牛肉醬芝士千層麵配薯蓉，表面同夾係千層麵仲間都係超多芝士同肉醬，夠晒邪惡滋味，肉醬嘅味道同質感都比起其他餐廳好食，加埋滑溜薯香十足嘅薯蓉，yummy!甜品揀左藍莓芝士蛋糕，作為套餐嘅甜品，份量都算大，芝士蛋糕口感滑溜，滿滿香甜口味加上酸酸甜甜嘅藍莓醬，味道豐富，好食！餐廳員工好有禮貌，服務周到，令餐飯滿意程度大增。