焼肉スマイル (燒肉smile)

又黎旺角搵下有咩好野食，今日我同朋友就想食燒肉，係想食啲有質素嘅燒肉。上網搵下搵下就搵到呢間台灣人氣No.1單人燒肉店，見到佢嘅盛合套餐內容好豐富吸引，決定一試。見到佢嘅介紹話全店使用冷藏肉，肉質更鮮甜軟嫩多汁，果然食落真係好好味。我地叫左兩個套餐一齊食，日本和極盛相合、Smile盛盒，套餐除咗肉同海鮮仲有蔥花玉子飯，雪濃牛骨湯，另一個就係有韓式雪蟹膏拌飯，我哋仲叫咗個松坂豚，一黎到係好有驚喜，個賣相已經相當相當吸引，緊係要即刻試下個牛骨湯先，牛骨味香濃又清甜，玉子飯好味到一個點，蟹膏飯唔洗講，好味到講唔到野，重點黎喇即刻燒肉，嘩，每一款肉都好刺激味蕾，我地都無用任何醬料黎點，牛肉好香好滑，個豚肉係入口即溶。重點係呢到就算一人就能食嘅單人烤爐，又有日本無煙設計，我地食完都無味係身。食咁多肉緊係要配搭下啲菜，呢到仲有24品 沙律/韓式小菜半自助放題，唔洗另外加錢。價錢方面格豐儉由人，平日午餐低至$58。真係好抵食。