影片
更多
2025-03-20
94 浏览
近排有個朋友轉咗蛋奶素，所以約佢食飯就想搵啲新式素食，我唔太悶之餘，佢又食得好。今次喺OpenRice上面見到呢間餐廳，啲食物外觀都幾吸引，所以就去咗試吓。食完之後問朋友，佢都話係食過咁多間新式素食之中，10分唔錯嘅一個選擇。我哋叫咗忌廉蘑菇湯菠菜苗，片皮鴨，日式芥辣蝴蝶蝦，椒鹽白靈芝菇同埋芝士蛋糕。菠菜苗擺盤好靚，食落去好嫩冇渣，配上蘑菇湯，加少少鹹味，食落更惹味更好食。至於個日式芥辣胡椒蝦，食落第一啖真係好似蝦，加埋個日式芥末醬一齊食，真係好惹味，估唔到齋菜都可以做到咁嘅感覺。之後嚟嘅係京都片皮鴨，儀式感十足，有個蒸籠配上幾塊餅皮。佢個片皮鴨做到表皮有少少香脆，配埋青瓜同埋個醬，真係好似食緊片皮鴨咁，以假亂真。最後就係椒鹽白靈芝菇，佢做得好嘅係個菇唔會太大嚿，好似白飯魚仔咁嘅size，會令到人追住嚟食。好快就食晒。甜品亦都10分唔錯，個芝士蛋糕好濃嘅芝士味，如果餅皮亦都有少少脆口嘅感覺，唔係成舊完全係cream cheese 咁朋友話從素食角度，個味道唔錯。係一個素食者同非素食者可以大家都滿足到嘅餐廳。我嘅角度就係估唔到素食可以咁有創意，咁好食。即使我唔係素食者，我都覺得呢間餐廳可
菠菜苗擺盤好靚，食落去好嫩冇渣，配上蘑菇湯，加少少鹹味，食落更惹味更好食。
至於個日式芥辣胡椒蝦，食落第一啖真係好似蝦，加埋個日式芥末醬一齊食，真係好惹味，估唔到齋菜都可以做到咁嘅感覺。
之後嚟嘅係京都片皮鴨，儀式感十足，有個蒸籠配上幾塊餅皮。佢個片皮鴨做到表皮有少少香脆，配埋青瓜同埋個醬，真係好似食緊片皮鴨咁，以假亂真。
最後就係椒鹽白靈芝菇，佢做得好嘅係個菇唔會太大嚿，好似白飯魚仔咁嘅size，會令到人追住嚟食。好快就食晒。
甜品亦都10分唔錯，個芝士蛋糕好濃嘅芝士味，如果餅皮亦都有少少脆口嘅感覺，唔係成舊完全係cream cheese 咁
朋友話從素食角度，個味道唔錯。係一個素食者同非素食者可以大家都滿足到嘅餐廳。我嘅角度就係估唔到素食可以咁有創意，咁好食。即使我唔係素食者，我都覺得呢間餐廳可以返轉頭再幫襯！
张贴
