Wake Up

营业中

休息中

這天我們來到科學園晚餐輕鬆星期五嘅晚上我哋二人世界拍下拖晚餐嘅選擇都好吸引餐湯非常濃郁，蕃茄肉滿滿，亦充滿了洋蔥及其他香草味道。餐廳指部分本地時令蔬菜來自蔬菜統營處，比較新鮮。而手工麵包我哋分別有兩款唔同嘅，入口有好香嘅麥味，加埋牛油更加好味。帶子鮮蝦蛋黃忌廉汁手工意粉手工意大利麵好有彈性，形狀較扁平，蛋黃忌廉汁醬汁搭配好好，香濃美味。日本黑毛豬鞍架伴蘋果醬黑毛豬夠彈性，配上香甜嘅蘋果醬味道更好。側邊嘅薯條幾香脆，蔬菜感覺好清新，加左少少黑椒調味，味道更提升。甜品方面，我哋點左tiramisu蛋糕咖啡味都幾香。另外，仲有蕉糖香蕉朱古力窩夫伴雪糕。窩夫鬆軟香甜，旁邊配料有新鮮嘅水果同果仁，配上雲呢拿雪糕及忌廉，還有香蕉有焦糖煎香，全個組合都好好味。飲品方面,果茶嘅茶味同埋水蜜桃嘅味道好出，幾好飲。而奶茶香濃，有港式奶茶嘅感覺。這日的晚餐很滿足！每個餐桌上有個小燈蠟燭，餐廳內播放純音樂，成個氣氛好舒適。