Wake Up

呢間餐廳環境超正!有落地玻璃望住園景.露營風嘅枱凳同decoration好有feel, 空間感十足.帶小朋友或者狗狗嚟都啱.Breakfast:經典班尼迪蛋、田園沙律、蕃茄扒 (HK$88)個蛋做到流心效果, 煙肉香而不柴, 鬆餅烘得軟硬適中, 配上酸酸嘅醬汁, 食落好開胃.蕃茄扒都烤得啱啱好.沙律菜都幾新鮮, 唔會有苦澀味.特濃凍朱古力 (+HK$42)依個特濃凍朱古力一定要試!真心係我飲過最濃嘅凍朱古力!連上面嘅cream都超好味.撈勻飲, 個味道真係不得了!而且賣相好靚.Lunch: 法式蟹肉龍蝦湯 (HK$48)依個龍蝦湯都有驚喜.味道超濃郁.個湯係見到有一絲絲嘅蟹肉, 同埋係食到粒粒龍蝦肉.口感都幾豐富.意式煙三文魚意粉 (HK$128)意粉軟硬度適中, 食落好creamy.蘑菇、洋蔥、三文魚碎都幾多.食完好滿足.鮮奶咖啡 (HK$38)鮮奶咖啡味道都唔錯.每日一啡嘅, 我表示滿意.整體嚟講, 依間餐廳環境舒適, 食物正, 而且性價比都幾高. 想喺科學園搵食Chill吓, 呢度係一個唔錯嘅選擇.我下次都想帶屋企人嚟試吓晚餐!…查看更多

朋友轉咗工係科學園介紹我去嚟間餐廳餐廳樓底高空間感好足落地玻璃望不同天氣氣氛店內設露營風有些枱櫈用露營風格餐廳裏面播住音樂感覺好放鬆餐廳有酒精飲品仲有原漿啤酒𠻹今次選擇晚餐食飽可以係海賓行吓👍餐牌上好多種類選擇有all day breakfast、手工意粉、和牛漢堡等****重點****用本地時令蔬菜及本地新鮮豬肉非常貼地同值得支持餐廳整體價錢同埋質素都覺得可以接受性價比嚟講都算幾高🍽️🍽️🍽️🍽️🍽️🍽️🍽️晚餐set👉🏻安格斯肉眼扒配燒汁伴薯菜😋肉眼扒叫咗七成熟剛剛好唔韌外面帶點焦香配埋燒汁仲好味薯條新鮮炸起+雜菇同西蘭花夠熱外脆內軟粗薯條，正👍👉🏻是日南瓜湯軟綿微甜帶點南瓜肉手工餐包帶點麥香👍🏻散叫👉🏻松露蘭王蛋芝士和牛漢堡😋咁啱做推介送飲品👍手工製作而成肉質鮮嫩多汁每咬一口d肉汁爆晒出嚟再加上特製的松露醬汁濃郁而不膩整道菜層次感真加不少用蘭王蛋生食都安心👍🏻伴碟仲有沙津菜𠻹真係好好食，正，正，正😋😋😋飲品👉🏻有果茶選擇果茶帶點時令水果"荔枝"甜品👉🏻有個Coffee+Cake Combo😋自行選擇蛋糕可配•WAKE UP coffee• Chill Americano• Caffe Latte• Cappuccino…查看更多

📍 戶外步行一段路已經滿頭大汗，要入餐廳休息下🙈 餐廳空間特別開敞✨舒適帶有露營風元素🙋🏻‍♀️ 落地大玻璃以霓虹燈玻璃酒樽牆佈置，入夜後光影💡映照，配合Jazz soft music格局輕鬆自在。🌀 Mojito/ Negroni 貫徹「朝啡夕酒」概念🥂 除咗咖啡亦有提供 Cocktail 同埋紅白汽酒，價錢算親民。 坐係露營櫈上特别有氣氛好Chill，沒有比與朋友來一場Chill Talk 更適合。🌀 金沙薯條 粗薯條全條都沾滿鹹蛋黃醬，味道濃郁鹹香。口感唔係脆身個款但係好足料，食落有薯香🤩 清爽唔油膩，食多少少都唔驚🙉🌀 Chill 微辣水牛雞翼 總共有5隻，醬汁酸甜好開胃，辣味不明顯!雞翼大隻啖啖肉。🌀 黑松露芝士野菌意式燴飯 忍唔住叫多個主食，主要提供西式料理，有All Day Breakfast、意粉燴飯、各款肉扒餐等。芝士白汁加入咗大量黑松露，表面仲勁大方放咗一匙羹黑松露醬🤩🤩 黑松露同芝士味道好夾好濃郁☺️ 質感Creamy 🌀 Oreo 軟心巴斯克芝士蛋糕芝士味好濃郁🙉 仲有款開心果芝士蛋糕都好吸引～ …查看更多

Weekend想去一啲人少啲嘅地方，靜靜地嘆個lunch，所以去咗科學園，搵到一間餐廳唔錯嘅餐廳，渡過一個輕鬆寧靜嘅中午，感覺好寫意。點咗兩個lunch set。餐包。是日餐湯個餐包有啲穀物粒，所以食起嚟有口感，我都幾鍾意。日餐湯係南瓜忌廉湯。手撕豚肉芝士漢堡配薯條漢堡賣相唔錯，絲絲豚肉份量都唔少，配上芝士醬同生菜，非常夾。可以揀配薯條或者沙律，我揀咗薯條，係粗直薯條。鹽煎比目魚伴香草忌廉意粉比目魚表面煎得好香，內裏肉質好鮮嫩，調味剛剛好。水牛雞翼另外追加咗個小食，有三隻雞翼，被酸酸甜甜嘅醬汁包裹住，味道ok。餐茶點咗檸檬水同果茶呢度環境非常舒適，所以同朋友傾吓傾吓，都錯咗成個下午，之後再點咗咖啡同蛋糕，有個$69 Coffee+Cake Combo，都幾抵食。流心朱古力意式芝士蛋糕。鮮奶咖啡呢款蛋糕結合咗我最愛嘅朱古力同tiramisu ，中間流心狀態，整體味道都好濃郁。鮮奶咖啡味道酸酸地，但加咗燕麥奶平衡返，味道都唔錯。開心果芝士蛋糕。美式咖啡開心果蛋糕對我嚟講略甜，咖啡都OK，味道偏酸，個人比較推薦鮮奶咖啡。…查看更多

今晚同老公揸車嚟到科學園諗住睇下有咩食，先發現原來呢到都幾多餐廳，見到呢個的Set Dinner好抵食，又有湯，餐包同個主菜，仲有野飲。餐廳裝修係走露營風格，樓底都好高，空間感夠，檯與檯字間唔會覺得迫。我哋兩個都係揀Set Dinner，先上左餐湯同餐包，今晚的餐湯湯係西蘭花忌廉湯，餐包暖暖的，搽埋牛油再食，好正。香煎大蝦拌帶子配籠遐汁燴飯上面有一隻大大的蝦同兩粒帶子，蝦肉一叉就起到肉，新鮮爽口，帶子煎到剛好本半生熟，仲好鮮嫩，個燴飯加埋D洋蔥同菇，整得好入味，而且份量好多。加＄36追加了水牛雞翼，有三大隻，新鮮熱辣，加埋辣辣地的醬汁，好惹味。秘制香草即烤無激素春雞（半隻）伴鮮茄意粉春雞烤到皮脆肉又夠嫩，一啲都唔嚡，意粉加埋D茄汁食好開胃。加＄48追加了牛油果醬薯條，係粗薯條，炸到好香脆。餐叫左果茶同檸檬茶，果茶甜甜的好易入口。呢間餐廳真係性價比好高，兩個人食到飽一飽都唔使＄500。…查看更多

其實咁啱得咁蹺 約咗去呢間餐廳好多年無一齊食飯；一齊住係同一個咁細少既城市都可以隔咁耐先有呢個組合食餐便飯家姐講得好啱： 好貼切 「WAKE UP」係時候停一停你既忙碌生活， 約一啲愛您既人食飯。 餐廳好舒服，好適合約三五知己，去享受一個晚上。飲杯酒食餐飯，輕輕鬆鬆咁分享吓自己嘅生活。亦都可以比自己停一停諗一諗好多嘅事情。就算係情侶都係一個好舒適嘅環境入邊，去食餐飯去培養下感情。都知道假日會有好多人出去食飯，呢間餐廳仲會有 live band 都幾正。 …查看更多

呢間環境唔錯嘅西餐廳 Wake Up，點知有驚喜！我哋兩個人叫咗幾樣嘢share，樣樣都好有水準：原隻爆汁燒春雞 伴薯菜 ($198)呢個係全晚嘅主角！成隻春雞上枱，賣相已經好吸引。個皮燒到金黃香脆，切開嗰下啲肉汁真係流出嚟，完全做到個名「爆汁」嘅效果！雞肉超級嫩滑，一啲都唔嚡口，醃得好入味。連旁邊嘅薯菜都好好食，唔係hea做嗰隻。香烤雞扒漢堡 ($98)呢個漢堡都好有誠意，塊雞扒好厚身，而且燒得啱啱好，外皮帶少少焦香，但入面嘅肉完全唔乾，依然鎖得住肉汁。配埋新鮮嘅生菜同醬汁，成個配搭好夾，啖啖肉得嚟又唔會好膩。香炸白蘑菇 (跟餐加配生啤$10)呢個小食係送酒一流！白蘑菇炸到外脆內軟，咬開仲好juicy。但最最最重點係，叫呢個小食竟然可以+$10就有一杯SAPPORO生啤！ $10有一杯生啤，喺香港地真係去邊度搵？我哋見到即刻叫咗，Happy Friday就係需要呢啲！雙層開心果軟心巴斯-克蛋糕 ($63)食完主菜，梗係要留個胃食甜品。呢個巴斯克蛋糕冇令我哋失望，開心果味超級濃郁，蛋糕質感好濕潤綿密，中間仲有少少軟心效果，甜度啱啱好，做結尾真係一流！原來每個Friday 都會有live music show 有得點歌環節，氣氛好好😍😍 有得食有歌聽好滿足。環境坐得舒服，食物質素好高，尤其係個燒春雞同$10杯生啤真係冇得彈。…查看更多

🐯露營風餐廳邊食邊感受陽光Chill正🐭 ⭐️按「更多」睇詳細資訊😋懶惰二人組今次黎呢間露營風餐廳chill下！餐廳樓底好高，再埋一邊係成幅落地玻璃！有自然採光～ 感覺好開揚！重點係除咗一般餐枱之外，呢度都有個角落好有特色！除左牆上掛咗露營餐具，作為裝飾之外，又有露營風嘅餐枱同埋露營櫈！再加埋望住出面既景，感覺真係好chill！1️⃣ Wake Up All Day Breakfast全日早餐一定係咩都有啦！有黑松露炒蛋、大啡菇、煙三文魚、煙肉、蕃茄！都算係幾豐富!特別要提個炒蛋，奶味好香！加埋黑松露，食落味道好有層次啊！2️⃣ 焦糖香蕉朱古力窩夫伴雪糕甜品梗係要睇吓個賣相先㗎啦！白雪雪嘅cream同窩夫上面有士多啤梨金黃色嘅香蕉！再加埋買朱古力雪糕球同朱古力醬！賣相已經好吸引！香蕉上面黃金色嘅焦糖好脆呀～既甜又少少焦香，同香蕉嘅味道都好夾！3️⃣香橙氣泡咖啡夏天至fresh之選！咖啡再加埋橙香，唔會好甜！偏向清新！夏天飲真心唔錯！自己到咖啡落去果下都幾療癒㗎！4️⃣Flat White咖啡偏向苦，飲飲下有少少杏仁既香味。仲要有拉花，唔錯唔錯！🌟🌟🌟🌟🌟🌟🌟🌟🌟🌟🌟🌟❤️感受下露營glamping一流💚部份餐點會露營餐具serve,型！💛 踩單車都可以車泊喺室外！Rating：懶惰鼠😻😻😻 +0.5懶惰虎😻😻😻📍 Wake Up沙田白石角香港科學園2期科技大道西10號10W地下S041B號舖⏰營業時間：08:00-21:30          …查看更多

💗輕煎刺身級帶子鮮蝦蛋黃忌廉汁手工意粉這道意粉真係有驚喜😆！首先，帶子用嘅係刺身級，煎到外面微微金黃色，咬落去仲保持到滑嫩口感，鮮味十足。鮮蝦亦都好爽口，完全唔會煮過火。蛋黃忌廉汁將成碟意粉嘅味道拉埋一齊，滑滑嘅，好creamy但唔會膩。手工意粉仲帶少少煙韌，每條都沾滿咗個醬汁，食落去層次好豐富。每一啖都食到海鮮嘅鮮甜同醬汁嘅濃郁，實在抵讚！💗 日本黑毛豬鞍架配蘋果醬薯菜黑毛豬鞍架一上枱就已經好吸引，肉色粉紅，😃外層燒得啱啱好，帶少少焦香。豬肉本身唔會太肥膩，肉質彈牙又有肉汁。最正係個蘋果醬，甜中帶微酸，完美中和咗豬肉嘅油香，又唔會搶咗主角風頭。配埋薯仔同蔬菜，啖啖都好有層次感，食完唔會覺得滯。鍾意食豬肉嘅朋友一定要試！💗水牛雞翼呢個水牛雞翼真係惹味到不得了👍！外皮炸到脆卜卜😄，醬汁包住每一隻雞翼，酸酸辣辣，超級開胃。一咬落去，肉汁即刻爆出嚟，辣味唔會太誇張，反而好香口。最鍾意佢唔會太油膩，食完仲想再encore多幾隻。如果配埋啤酒或者汽水，真係可以當小食一流！---三道菜各有特色，無論係海鮮、豬肉定小食，都食得出心機同誠意！…查看更多

Wake Up位於科學園，落地大玻璃配上露營風的裝潢，呈現出簡約現代的風格，牆上掛著幾塊色彩繽紛的滑板，營造出輕鬆愉快的氛圍，令客人感到放鬆。☕️ 朱古力咖啡☕️ 焦糖鮮奶咖啡朱古力咖啡的口感濃郁，朱古力甜味讓整體風味更加豐富，而焦糖鮮奶咖啡則是清新順口，搭配早餐一流。🍽️ All Day Breakfast 早餐拼盤非常豐富，有煙三文魚、香腸、煙肉、炒蛋、沙律和牛角包。每一樣食材都係即叫即整，非常新鮮，煙肉酥脆，炒蛋滑嫩，牛角包外脆內軟，與其他配菜搭配得非常和諧。🍽️和牛漢堡和牛漢堡肉質鮮嫩多汁，脂肪分佈均勻，每啖都有濃郁的肉香，搭配特製醬料，口感豐富。薯餅都非常出色，炸到金黃色，外層酥脆，內裡柔軟，搭配番茄醬更是絕配。整體而言，Wake Up的早餐選擇好多，而且環境舒適，Kids friendly的餐廳，非常適合一家大細。 Wake Up📍沙田白石角香港科學園2期科技大道西10號10W地下S041B號舖…查看更多

嚟到科學園想搵間餐廳chill吓，見到依間餐廳有成個落地大玻璃，環境好舒服，仲有live music，即刻入嚟試吓。我哋叫咗原隻爆汁啤酒雞，雞肉外脆內嫩，餐廳仲會幫我哋切好。廚師用咗秘製配方將啤酒嘅麥味融入雞肉，味道真係好驚喜。另外試咗Carbonara，見到個流心蛋就覺得好正，味道都好濃郁，好creamy.最後再叫咗個鹹蛋黃金沙薯條，超級邪惡，配埋我杯Negroni同埋Mojito，真係好chill！…查看更多

👩🏻👶🏻玩完親子跑咁肚餓梗係要喺科學園附近搵嘢食啦科學園有好多西餐廳環境舒服又夠Chill👩🏻就揀咗新開張嘅 Wake Up聽職員講餐廳部分本地時令蔬菜來自蔬菜統營處🥬及採用本地新鮮豬肉🐷🐸最優質最新鮮嘅食材今次我哋order咗🍽️WakeUP All Day Breakfast沙律菜、炒蛋、香腸、煙三文魚、煙肉、藜麥、柚子乳酪、薯餅及牛角酥係勁豐富嘅全日早餐沙律菜好新鮮加咗黑醋好醒胃香腸、煙三文魚、煙肉又唔會太鹹🍽️吉列魚柳、3.6北海道牛乳炒蛋、烤多士吉列魚柳好香脆內嫩炒蛋又炒得滑細細👶🏻都差唔多自己食哂呢份早餐😆🍹果汁🍹朱古力（熱）…查看更多

琴晚去科學食晚飯，真係好失望！兩個人叫咗 香蒜雪花蟹肉手工意粉（$118）、一個 晚市套餐香煎大蝦伴帶子配龍蝦汁燴飯（$208），另外加$36叫咗份 水牛雞翼，套餐仲包咗南瓜湯同凍檸水，埋單連加一收$398。首先上枱嘅係南瓜湯，味道偏鹹，幾乎搵唔到南瓜嘅香味，連金寶罐頭南瓜湯都好味過佢。飲完一啖已經對主菜有啲唔好預感。跟住上咗個香煎大蝦伴帶子配龍蝦汁燴飯，$208完全唔值！份量得 兩粒帶子同一隻蝦，仲要帶陣雪藏味。帶子嘅質感好似咬緊橡膠，完全唔新鮮。個飯聞落雖然有啲香味，但食落就另一回事 。飯粒唔似意大利米，似係日本米 。仲有啲翠肉瓜粒混雜喺入面，整碟嘢似碟頭飯多過燴飯，質素同價錢完全唔成正比。（食之前冇諗過會難食到寫食評，所以得食到一半嘅相）食到一半，香蒜雪花蟹肉手工意粉都上埋，點知係全晚嘅最大敗筆！蟹肉好腥同苦，洋蔥切到好大塊（正常會切粒），同埋唔expect係用白汁煮。所謂手工意粉食落似煮腍咗嘅稻庭烏冬，腥味重到食咗幾啖就真係放棄，實在食唔落。最後嘅水牛雞翼（3隻）味道算係正常，但一樣係過鹹，我淨係食左一隻 。成餐飯最好味嘅，竟然係杯凍檸水🥲。總括嚟講，呢間餐廳嘅食物質素同價錢完全唔匹配，晚市真心唔建議嚟，$398食到咁嘅嘢（平時好少食淨野），真係好後悔！…查看更多

放工嚟科學園Happy Hour，點知一入到去，原來有Live Band表演！成晚唱足兩個鐘，氣氛好好，完全feel到好放鬆原隻爆汁啤酒雞 伴薯菜（$198）呢個必食！雞皮燒到好香，但肉質仍然好juicy, 配埋薯菜，吸埋啲雞嘅肉汁，非常好出色！特別要讚係原隻雞上枱打完卡之後廚房會幫手切開，食得好方便😉生啤自由配（$78+$60）$78有一杯啤酒加一款小食，再加$60 ，有多一杯啤酒再加兩款小食，即係total 138就有兩杯啤酒+3款小食，好抵食！SAPPORO生啤夠冰凍，飲落特別爽炸池魚，酥脆，不過略嫌啲骨有啲多水牛雞翼，微辣開胃，熱辣辣食更加好食炸白蘑菇，問侍應攞咗啲白松露醬，埋超好食，外面酥脆，入邊嘅蘑菇仲係Juicy嘅，呢個非常推介生蠔（6pcs $198）鮮味十足，每隻都肥美多汁cafe酒吧嚟講，食物同氣氛都交足功課。店員落單快，轉枱都主動幫手。寬敞坐得舒服，最正係有Live Band唱足兩個鐘，現場氣氛超級正…查看更多

呢間位於科學園嘅西餐廳，唯一值得一提嘅優點大概就係環境尚算闊落，坐得比較舒服。但老實講，除咗呢點之外，成個用餐體驗都係失望居多。首先，地點極之唔方便，冇車過去嘅話交通選擇非常有限，要花好長時間先到，根本唔值得專登走咁遠。服務態度奇差要自己搵位。最致命嘅問題係食物，特別係招牌牛扒。牛扒表面煎到又黑又燶，一入口就充滿苦澀味，完全掩蓋咗牛肉應有嘅鮮香。肉質又乾又硬，完全冇咗應有嘅肉汁同嫩滑口感。西餐最基本就係火候控制，但佢哋明顯完全唔識處理。至於其他菜式，都只係普通水準，無論前菜定配菜，都食唔出任何亮點。價錢方面更加唔合理，收費唔算好平，二人餐都要$780，仲要加一，份量少，但食物質素卻遠低於水準。以呢個價錢喺市區隨便搵間餐廳，體驗都應該會比呢度好得多。總括而言，除咗環境之外，地點偏遠、食物難食、價錢唔值，完全冇一樣嘢可以令人想再去第二次。強烈唔建議專登花時間嚟呢度，失望感會遠大過任何期待。…查看更多