蟹仙海鮮蒸碢大公館

营业中

休息中

我哋都係第一次嚟到有專人蒸煮海鮮嘅店舖，感覺好新奇。尊貴海鮮套餐因為每種海鮮蒸煮嘅時間都唔同，如果蒸得太耐可能海鮮會變老，呢度就有專業嘅店員幫手，逐樣逐樣海鮮咁蒸，控制同埋配合好蒸煮時間，唔單止可以食到海鮮嘅鮮味，更加可以避免因為海鮮蒸好之後攤太耐而變腥，而且店員亦有好耐心咁樣話俾我哋知每一樣海鮮最推介嘅食法，成個體驗都非常好澳洲青年龍蝦唔算話大隻，但係竟然有少少蝦膏，一挑一大嚿肉挑出咗嚟，殼薄肉厚滿，肉質鮮甜嫩滑，口感細膩。韓國釜山蠔未蒸之前非常大隻，蒸完之後縮咗少少水，味道來講，雖然唔及外國生蠔蠔味濃郁，但鮮味十足，鮮甜。紐西蘭刀背蚌相對大西洋野生青口較彈牙有咬口，需要一啲時間去咀嚼，但兩個都相對比較厚身，嫩滑鮮甜。