青山灣美食廚房

营业中

休息中

今日有朋友生日，決定去三聖邨附近海鮮檔關財記買海鮮，還未決定去邊間代煮食肆時，有朋友提意到青山灣美食廚房，話除左食海鮮之外，佢地有碟叫南乳排骨好出名，決定一試！環境裝修當然比附近食肆欠奉，但那屋邨打冷格局，與及一間極度舊式嘅士多喺對面，令呢間鋪增添不少親切感（因我們都是屋邨長大的），大家當然點左南乳排骨啦，一路都形住這個招牌菜會類似沙拉骨，有啲漿汁包住舊排骨，點知黎到只係一碟簡單嘅炸排骨，一試之下，一點南乳味都無，只有一啲甜酸味，感覺似甜酸排骨多啲，肉質好淋，感覺落了不少鬆肉粉，如果呢碟改名爲甜酸排骨，我諗都會及格。至於其他代煮海鮮調味與炒功，以這個價格，整體來講，可算合理！