青山灣美食廚房

復活節節與家人到三聖邨食海鮮,一行14人此餐廳有大枱所以就試試這間.在尚記買了3.5斤斑（一鱼2食,西芹炒斑球,魚腩就炆煮）,黃油蟹（鹽焗）,九節蝦（白灼）,蟶子（豉椒炒）,店內再叫了椒鹽鮮鱿（太好吃叫了2碟）,薑蔥焗蠔及青菜一碟.尚記海鮮十分鮮味,青山灣廚房煮得也很好食加上白飯,啤酒汽水,餐廳收費1970,海鮮買了1450,不計小朋友,人均也只是300多,新鮮又抵食,店內招呼也好下次到屯門,會再次光顧此餐廳.…查看更多

癸卯年初七人日乘巴士到了三聖邨。這裡較流行的是自行到就近的海鮮市場購買海鮮，然後拿到食肆煮熟就坐進食。以我們光顧的店舖為例，平日每斤$63元煮食費 (假日 $73元)，另加 $8元手工費。由此可見，吃海鮮不一定是鯉魚門和流浮山。購買海鮮的店舖和海鮮酒家分開，所以衛生。 (下)後來，決定到青山灣美食廚房用膳 (下)食評：魷魚夠彈牙、勝瓜很爽口。魚頭鮮甜、辣汁配合魚汁合宜，不會過辣。我在2023年1月28日晚上九時(癸卯年正月初七日亥時痞客邦建立的首篇文章，之後停了年半才恢復。😀😃😁🤩…查看更多

有工作在身外訪三聖邨，由於到午飯時間，先填飽肚子。不選擇，隨緣行到青山灣美食廚房，坐低還未點餐，先送上滋補的例湯，真窩心。看看午餐牌，好容易就選擇了銀魚云耳蒸腩片飯（$48）飯同餸都夠熱，銀魚仔很香口，腩片非常滑溜！我加$8.00添了一大杯凍齋啡，夠濃而且冇酸味，高質而且好抵飲！同事則選了蒸鯇魚飯，我試了一口，非常新鮮美味，蒸魚的時間剛剛好。每碟飯都有適量的菜，一個套餐很完整了原來三聖除了海鮮出名，也有快靚正抵的選擇👍…查看更多

首先例牌去海鮮街買海鮮，巡咗一轉後，係「上記」買咗五樣嘢，跟住去已經訂咗枱嘅「青山灣美食廚房」開餐。椒鹽瀨尿蝦，香口惹味，蝦肉鮮甜。酥炸蠔，台山蠔第一次食，都係美國桶蠔好食啲。蒜蓉粉絲蒸貴妃蚌，正常發揮。脆皮芝士焗龍蝦，係想要嘅味道，芝士香濃脆口，龍蝦肉彈牙爽口帶甜。鹽焗重皮蟹，之前食過鹽焗奄仔蟹，第一次食重皮蟹，爆膏，肉甜，重皮蟹口感特別。菜膽走地雞（半隻）（$138），有菜有肉，雞肉OK嫩滑。脆皮炸大腸（$88），正正常常。餐廳海鮮加工費，脆皮芝士$98/隻，收$294；其餘海鮮$68/斤，共6斤收$408。總數$1037。PS：餐廳只收現金，無茶芥加一，但有花生小食（$15）。…查看更多

5月6日時近正午，烈日當空，氣温接近攝氏卅十度，難為靚媽為完成揾食肥華心願，行晒整條三聖海濱走廊，惜加重防曬措施，冒住灼熱的太陽伯伯熱情的親吻，不怕幸苦，身體力行，陪着肥華行足整條海濱走廊，令肥華完夢，為慰勞靚媽，亦知佢知為人慳家，對食海鮮興趣不大，所以肥華選擇咗呢家，平民百姓家格局嘅食店，食午饍，而今餐所點兩款食物，涼瓜雜燴炒河及乾炒牛河，味道和份量都對得住食客付出嘅價錢，加上兩碗跟餐例湯和店員合格的待客態度，此店可以講，係三聖邨，唔係食海鮮嘅另類選擇⁉️👍👍…查看更多

20230205週日--青山灣美食廚房地址: 屯門三聖村豐漁樓地舖15號:)元宵節計劃到黃金海岸半日遊，巴士總站在三聖下車，選擇先到三聖醫肚，每次到三聖都是食海鮮，今日時間關係，食一個快飯，選擇了到青山灣美食廚房，食午市套餐:)青山灣美食廚房是茶餐廳格局，聽店員說是三店相連，我到的店是沒有卡位，只有圓桌。侍應熱情招待，主動放下了例湯材料有紅蘿蔔、鱆魚，豬骨，蓮藕，非常足料，住家的味道，沒有味精，不會口喝。點餐看到午市套餐4，有蒸魚飯($47),不包飲品，店員說是鯇魚鯇魚飯上桌，有份量不少的菜芯拌飯飯量約一碗多，軟硬度適中，菜芯翠綠豉汁蒸鯇魚，切開一件一件，部位有魚頭，有腩位，魚肉新鮮沒泥味，魚腩油脂部份肥美甘香時菜排骨炒米粉($52)大大碟，有鑊氣，賣相吸引:)意想不到炒米粉用上煎米粉方法烹調 排骨就是一般雪藏貨色，不過份量足，味菜淡口，不酸不咸，不過給我胃口:)本想到海鮮檔買聖子加工煎米粉底，想不到意外地吃到煎米粉，喜出望外外邊的米粉煎得脆脆又香口，部份米粉索了豉汁又是另一番滋味時菜排骨炒米粉，想不到整體味道偏淡，不會用過多鹽份變成死咸味道，我個人口味覺得不錯。:)跟茶加($6)，熱奶茶少奶做到少奶，茶味不錯:)埋單: $105價錢合理，食物味道合格侍應有禮，環境一般，座位有點不舒適有機會可考慮到此來料加工海鮮…查看更多

😙想食海鮮 所以近近地揀係三聖食由於係平日嘅Lunch時間基本上都冇乜人 比較靜係一間叫樂天嘅海產買咗小小海鮮店員介紹我哋去青山灣餐廳做加工兩個人食唔到好多，所以只買咗少少：1. 黃立腳魚 一條 清蒸！！好鮮味 肉質好嫩滑2. 賴尿蝦 一隻 椒鹽 味道好香 不過唔夠乾身 3. 奄仔蟹 兩隻鹽焗 覺得鹹咗少少 但係都OK4. 蟶子 六條豉椒米粉底👍🏻👍🏻👍🏻好正青椒豆豉炒 加埋煎香左嘅米粉餅底😻海鮮價錢大約係$700加工$$+兩支汽水 大約$300總括來講都算抵食😻人均只係$500 食到好飽…查看更多

本來想重返流浮山，但因為疫情，成條街無開，所以立即轉場去——屯門三聖邨！一落車就會見到一條街鋪接鋪都係賣海鮮，隨心揀咗一檔，姨姨好好人，海鮮都好新鮮😍五樣海鮮，大約950蚊。本來想去海天食，不過姨姨話佢偏貴，所以推薦我哋去青山灣小廚。原本都有小小擔心，因為佢係茶餐廳格局，加上我哋食食吓先發現根本冇問過人哋加工費幾多😅入面啲叔叔好好服務，好殷勤，勤力換碟好細心👍🏻我哋亦都因此更加擔心呢一餐買單會好貴🥲喺講價錢之前，先講吓食物質素！兩隻小龍蝦開邊芝士焗加伊麵，肉非常彈牙，勁多芝士汁，小鳥胃係咁以食兩啖就飽星人都好滿意佢哋嘅伊麵！蒸海斑時間掌控得啱啱好，完全冇浪費條魚，冇蒸老到！連我唔鍾意食魚嘅，都食咗好多😋唯一小小嘅缺點就係豉油唔夠鹹😂豉椒炒蟶子、蒜蓉粉絲蒸帶子都係新鮮好味夠鑊氣！所以食完之後，團友都立即再買咗啲新鮮嘅海鮮返屋企自己煮😛唯一冇咁出色嘅就係辣酒煮螺，因為叫咗小辣，所以味道冇咁香濃，建議大家食得辣的話，都係要返正常辣先至夠惹味！五道餸連埋其他汽水茶錢，都係$400左右！！加埋味道服務等等，唔覺得自己中伏或者比人劏😛推薦大家！…查看更多

無晚市都要食團年飯，直接改為午市咪搞掂。海鮮🦞餐真係令人好開胃，心情都好啲。屯門三聖係海鮮餐集中地，揀到靚貨就自然做得到好味嘅海鮮餐，朋友介紹呢間，果然夠鑊氣，食得滿足☺️———————————————————————————🥢鹽焗奄仔蟹🦀💬啲黃油真係好飽滿，鹽焗香氣十足，絕對漏油到可以撈飯食，開心過食大閘蟹🤭.🥢蒜蓉蒸扇貝🐚💬時間蒸焗恰當，肉質彈牙爽口，粉絲索晒蒜蓉同豉油嘅味道，好正😋.🥢蒜蓉開邊蒸龍蝦🦞💬同半邊蒸蝦一樣，肉更加彈牙，食物質素真係好重要，清蒸加蒜蓉最簡單😋.🥢豉椒炒蟶子皇💬蟶子皇確係王中之王，夠大隻又好肉，不過豉椒味過濃，搶咗少少🤏鮮味.🥢清蒸大海斑🐟💬全家人都好喜歡食魚，當然要蒸返條斑食吓，唔蒸過龍，保持肉質鮮嫩係好重要☺️.🥢象拔蚌刺身🐚💬見人多叫咗隻大嘅，好似太多🤭，都係過吓口癮就算，爽口又夠鮮，係滿足嘅😳.🥢椒鹽九肚魚🐟💬又係從細食到大嘅人氣菜式，大人迫小朋友食魚都係靠呢味嘢開始，培養出來，香脆又夠惹味😋.🥢椒鹽賴尿蝦🦐💬見到啲蝦膏嗎？同隻筷子🥢一樣咁粗嘅膏，連埋奄仔膏撈飯簡直高潮眼😳…查看更多

呢間店有不良營銷手法，如果你想比377蚊食個早餐就去呢間啦，今日去咗呢到食咗早餐，沙嗲牛肉麵配火腿奄列牛油方包，咁啲麵就一般咁啦，無話特別咁個餐牌同單就寫37蚊，但一去到比錢就出事啦，我就用八達通比錢啦，點知個收銀啫啫就手快㩒多咗個7字變咗做377蚊，但我個八達通已經拍咗落去，收咗我377蚊，收多無野嘅，咁咪退返錢囉，點知佢話個八達通有紙仔寫住要確認金額💰先好拍落去，你拍咗落去係你責任，唔肯退錢，我叫佢打比老闆同佢講返，佢又唔肯，仲好惡咁強調你拍錯係你責任，佢唔需要退比你，講咗成5分鐘到，我話要報警先肯退返比我，仲要剩係退咗330蚊，我問佢話少咗10蚊，佢話要去銀行咩八達通公司搞，唔洗手續費吖，我都係要話報警，佢先肯退埋個10蚊比我，好彩我係遇到不公會出聲嘅人，唔係應該會比佢兇走咗我，硬食377蚊早餐，安心出行同八達通記錄如下…查看更多

今日中午專誠去三聖邨食海鮮，海鮮街售賣嘅海鮮種類繁多，有好多選擇，當日遊客不多，我哋可以慢慢揀，我哋買咗蟶子皇4隻、墨魚一條、鮑魚4隻、扇貝2隻、龍蝦一隻，共$500。我哋無去附近酒樓，我哋去咗屋村嘅冬菇亭，見到一間青山灣美食廚房，這間是沒有海鮮供應的，但可以買海鮮去加工。蟶子皇大隻鮮甜，但唔夠惹味。上湯焗龍蝦👍芝士焗龍蝦👍椒鹽墨魚薑蔥鮑魚煲好食，鮑魚夠大隻，加上薑蔥炆得好淋好入味👍扇貝夠大隻，鮮甜。總結：餐廳係茶餐廳格局，中午時分客人多數是街坊或附近工友，多數食午餐、碟頭飯，只得我哋一枱食海鮮。服務態度就係一般茶餐廳正常服務。海鮮新鮮鮮甜，加工收費正常，但環境就麻麻，感覺不太衛生，可能晚上來感覺會好啲🤔。將來有機會再來三聖村，我會試吓其他食肆比較下。…查看更多

台與台之間都好闊，夠空間，空氣通。冷氣足，作為屋村食肆算唔錯。食物方面算中規中矩，茶餐廳就茶餐廳質素，價錢方面算平，下午茶36起。份量好足夠，叫左午餐肉加沙牛，沙牛有成6塊多仲有返咁上下，午餐肉都厚有兩執另外牛腩米，筋腩都林，算一般以上好食😋…查看更多

路過廚房後門，香噴噴今日試呢間買料加工先7點黎到，都好彩仲有門口位坐咋今日天氣唔熱，先okay要室內冷氣，要早啲拎位記得攞左位，先好去買海鮮三聖海鮮檔sss，無話特定買邊間邊檔新鮮生猛，咪幫襯😂買左2千蚊海鮮:有2隻大澳龍($260@)2斤花甲2隻大花蟹1束聖子王返住返青山灣美食廚房呀姐會拎張standard白色卡仔寫晒咩海鮮，有咩做法，係到幫你圈。油鹽水花甲，胡椒味濃，2斤花甲煮出黎的粉絲湯～yummy豉椒炒聖子辣味夠～廚師擺得幾靚仔😎不得了之蛋白蒸蟹有酒香又鮮查實3隻蟹蒸先再正啲不過食唔晒就2隻都照㨂蛋白蒸啲蛋白索晒味😋精華感謝祖國棄絕澳洲的龍蝦入口先可以食到咁平靚正的大龍蝦傻傻地原本想㨂米粉底但講左伊麵底😅照食龍蝦大到要分2碟上好有肉～龍蝦扒咁加埋個菜，全單$900埋單上次食過泰國野買料加工我個人覺得麻麻地囉🙃今次無㨂錯😇…查看更多

今晚嚟到三聖邨試下呢間青山灣美食廚房，兩個人叫左四個餸，椒鹽魷魚、海味雜菜煲、腰果蝦球，一隻乳鴿，大部分都好好食，但果個雜菜煲有啲淡味，不過我哋都清曬，同埋價錢適中，吾算太貴，埋單$350…查看更多

Restaurant Review📋Food🍽Salt🧂-baked Mud Swimming Crab🦀- Loads of brown meat, ultra umami- Salt🧂 successfully enhances the umami taste of the Crab🦀Stired Fried Mantis Shrimps in the Typhoon Shelter Style - Extremely Springly and Umami Meat- Fried Garlic🧄and Chili🌶successfully enhances the umami taste of the Mantis ShrimpsSteamed Scallops with Garlic🧄Shallots and Mung Bean Noodles- Scallops are Juicy and Tender- Mung Bean Noodles absorb all the flavors👍Stir-fried Prawns🦐in Cheese🧀Sauce and Deep Fried Rice Vermicelli- Prawns meat are bit mushy- Fried Rice Vermicelli is quite crunchy and abosorb all the flavors👍Not as oily as E-fu Noodles which is a regular choice for the cheesy🧀seafood dish, nice choice👍Ambience💗- Simple decoration. Very clean- Waitress kept changing dishes for us- Ultra strong air-conditioner, nice for summer time👍- Most of the restaurants in Sam Shing Estate do not have private toilets. The public toilets nearby are usually hot and bit messy and smelly😐…查看更多