禾牛薈火煱館 (南角道) (已結業)

最近，order火鍋料外賣～～送到黎。其他料都ok唔錯的，但個至尊手切本地牛令到我好不滿意～已經幫趁過好多次，每次都係order中價手切牛，覺得都幾正～～今次因爲有好耐無見嘅長輩，喜歡食牛，所以唔理咁多，order個最貴價嘅至尊手切本地牛，事前上黎openrice睇過，個樣好靚，應該會令長輩食得開心～～送到黎，見到盒牛，仲衰過至平果隻安格斯牛～～肯定不是手切，好薄好薄，同埋都算係瘦～一睇就知會好un，亦都同大家post係到嘅樣完全唔同！結果，真係好un，烚一烚，食落都覺得un~~所以明白點解要切到咁薄！我以為俾錯，但再睇，個盒痴住張紙，留住「至尊手切手」～～原來貴唔一定好～～浪費錢其實唔緊要，最唔開心係浪費咗我為長輩付出嘅一番心思～～我希望唔係因為係外賣，求其搵野hea客！