南記海鮮飯店

营业中

休息中

老公叫左幾次去三聖村食海鮮，今晚終於成行，我地係外圍買料去南記食加工，其中買了重皮蟹，海鮮檔Meet 殼比我睇，確認係重皮蟹才入膠袋，再拎去南記加工，所有海鮮食完我的重皮蟹未上枱，多次詢問服務生，隔左半小時，重皮蟹才上枱，發現meet 左殼既痕跡唔見左，蟹身完整無缺，仲細隻左，懷疑換貨，向服務生講，佢叫我唔好食，搵負責人來講，點知有個四眼無著制服既人出來，話係一斤三兩，兩隻重皮蟹點可能有一斤都無，仲話一三兩，仲叫我地搵檔主來對質，你做生意人地都要做生意，都無謂搞著人地，當時正係飯市，檔口大把客人，多次話有Meet 殼痕，佢死口唔認，又話無換貨，幾十蚊生意都唔肯認錯，好無品，一定無下次，甚至三聖村都唔會再去，未試過食一間食肆會咁嬲，又唔係唔肯比錢找數，呢啲老字號，一句抱歉都唔肯，老公話未見過我咁嬲架，所以大家交比加工場時要小心，影相為証，呢啲事，報警都無用