同心泰國菜館

营业中

休息中

今次來呢度試下蔡瀾先生介紹嘅泰式豬手水準如何。餐廳就係九龍城巴士站旁邊所以好方便。禮拜六中午12點來到已經要排隊等候，好在等左大概15分鐘就有位，人客裡面也見到有唔少係泰國人。泰式無骨鳳爪幾乎係我每次去食泰菜都必定會點嘅，呢度嘅味道都ok，酸辣適中。泰式船河嘅湯頭鮮甜，豬雜嘅份量都唔算少。最後嘅主角豬手相當有風味，豬肉燜得夠腍又入味，食起上來可以一絲絲，墊底嘅酸菜亦好好味，後來仲加左碗白飯撈埋汁食添。