影片
以上资料只供参考，请与餐厅确认详情
🐖猪肉船河🍜 （猪肉片, 猪润, 猪肉丸)汤底浓郁得嚟层次分明，一啖饮落去，绝对系落足料熬制～ 碗面仲有好多通菜同金不换，通菜爽脆吸汤，金不换嘅香气更加系灵魂所在，一啖菜一啖粉，口感超丰富！ 食泰式船河最紧要自己调味！记得加少少砂糖, 泰式酸汁, 辣椒粉, 花生碎, 鱼露等等，钟意浓味嘅可以落多啲砂糖，钟意刺激嘅就狂撒辣椒粉，调出最啱自己嘅口味～ 呢度嘅船河真系还原咗泰国街头风味，汤底够浓、配料足，绝对系喺香港食过最同泰国水准同步嘅面河！食完仲想encore！🇹🇭✨
继续阅读
行完九龙寨城公园，顺道去九龙城小泰国食泰国菜！去到的时候尚早，有一半泰国菜餐厅未开，呢间之前去过加上蔡澜推荐，所以去返呢间食อาหารไทย！我自己点咗份午餐：香叶辣椒猪肉碎饭（กะเพราหมูราดข้าว）配泰式冻黑咖啡（โอเลี้ยง）。先嚟咗杯泰式冻黑咖啡，呢杯泰式冻黑咖啡，味道浓郁，饮到啲谷物味，应该系加咗高粱或罗望子～过咗冇耐香叶辣椒猪肉碎饭都嚟啦，够大盘，而且够正宗！อร่อย~值得回头再食～
继续阅读
约咗朋友食好耐冇食过嘅泰国菜，首选一定系谂住系九龙城揾食。揾到一间几正宗又抵食嘅试试佢。两个女仔系好饿嘅情况下叫咗一个咖哩、一份蒜蓉包、一碟菜、一碟炒粉、一份鱿鱼同埋一人一杯饮品。炭烧鲜鱿好大条，即烧，食落肉质好嫩好易咬，佢配咗个酸辣酱汁(有啲似点生虾果个汁)一齐食。泰式黄咖哩鸡一个小砂煲上唔太辣但好香，偏水一啲，锅入面都好足料。另外叫咗一份蒜蓉包，个法包都唔系hea，面头有啲生蒜，够晒味。马拉盏炒椰菜苗泰国餐厅一定要食马拉盏炒菜，今日拣咗从来未食过嘅椰菜苗。食落好爽口，炒真系好好食，仲有啲虾米。猪颈肉炒卷心粉好出色好好食，又系第一次接触卷心粉。个粉好似河粉但卷埋然后切到不规矩咁，但佢比一般河粉烟韧，食落好有镬气。好简单嘅料(芽菜，葱，蛋，猪颈肉)但炒埋一齐好好食。两杯饮品 : 青柠沙冰 & 珍多冰正常发挥，冇乜特别。整体佢啲碟头都几大，啲野都系即叫即炒，feel到系有啲镬气，当中我最推介嘅系炒卷心粉同炒椰菜苗。Menu都几多选择，比较适合多啲人一齐去食。环境都阔落，几’麻甩’，有啲似饭堂嘅感觉，但都几嘈下，约一大班人黎食应该几开心。
继续阅读
今晚六点半 行过见呢间泰菜馆有位 又到左晚餐时间有d 饿 就入左去食晚饭叫左以下食物：- 泰式木瓜沙律 （7/10） 辣辣地 不过不失 开胃前菜都ok- 酸辣椰汁鸡汤 （8/10） 加左椰子都仲有冬荫功既味道 都还好但重点系以下呢样 - 泰式船河 （-1000/10）入面有猪肉 猪肉丸 炸猪皮 都三块猪肝其他配料唔讲 但猪肝一咬入去 就有血水渗出黎。 我地同店员反映， 第一个店员冇声出，于是叫左第二个店员定唔知店长过黎，过到黎语气带不屑咁同我地讲： 泰国人食猪肝不嬲都钟意生食，我地都唔知香港人点食， 但我地就系咁食，你下次叫煮熟d 啰！ 下！？ 乜猪都会生食？ 我真系孤陋寡闻。 本身都唔预佢退钱 只系想提醒下佢。 但店员咁既态度， 唔怪得香港既饮食业愈搞愈差， 原来就有你呢间害群之马。大家唔怕食生猪 同受气 可以过黎。 但我一定唔会再帮衬！
继续阅读
位于九龙城其中一间泰国餐厅，餐厅环境舒适空间较大。～～～～～～～～～～～～～～～～～～～～～～～泰式菠萝炒饭味道好够有镬气👏🏼👏🏼👏🏼鲜牛肉船河味道可以。牛肉不是上越南𠮶种薄切牛肉反而是比较厚身少少嘅鱼汤煲食落去有少少胡椒味嘅辣食落都算系暖肚嘅。入边有冬菇、鱼肚、鸡仲有些少菜食落去好似好味啲嘅碗仔翅味道饮落去啲汤嘅味道几好 口感食饮落去比浓稠。鱼肚都算多建议两个或以上一齐食。泰式奶茶味道OK但系唔够香浓
继续阅读
您可能会有兴趣的...