火鍋隨意門

近排天氣終於凍返，最啱就係打邊爐。銅鑼灣呢間招牌花膠雞湯，打邊爐之前飲啖湯即刻暖笠笠。


🔺招牌花膠雞湯鍋 $328
個湯底睇隻色都睇得出好濃郁。店員會等我哋飲完湯先親手剪花膠同埋幫手落雞～呢個價錢都有半隻雞幾抵食！


配料方面一定要推介手切本地牛頸脊！切得夠厚身。另外仲有自家製嘅鹹蛋響鈴，超邪惡但係勁香脆！手打芝士墨魚丸都幾有驚喜，咬落去要小心會爆汁。而呢個湯底本身已經好濃郁，最後食埋個稻庭烏冬～估唔到烏冬都幾襯中式嘅雞湯。