Sky726

今日同個朋友慶祝生日，搵咗間喺旺角鬧市裏面嘅餐廳知道佢有一個好大嘅玻璃窗，景觀開揚，夜晚嚟應該仲靚。同朋友點左兩個午餐，主菜佢就揀咗溫泉蛋卡邦尼尖通粉，我就揀咗個版主澳洲草飼西冷配紅酒汁。個餐都有跟餐湯同沙律，忌廉湯夠creamy仲跟有餐包,沙律菜都幾有份量而且有幾種沙律菜夠高質講返主菜先,個卡邦尼通粉加左溫泉蛋幾好食,多咗少少嘅蛋香喺濃濃嘅醬汁上面,更加掛汁,尖通粉有咬口，中間中空醬汁入晒去，非常香濃惹味，讚！牛扒煎嘅成數啱啱好，唔會太硬太鞋，又有牛味，而且份量都好多，不過最緊要真係好味，伴碟嘅粗薯角都好啱我哋口味，熱辣辣又有滿滿嘅薯仔。最後其實都食到好飽，不過形式上都係要有個甜品，所以就加咗一件小蛋糕，有小小莓伴碟，朋友對呢餐生日飯都非常滿意！