俊軒越南餐廳

营业中

休息中

同朋友去灣仔附近搵食，想食越南野又無咩特別preference就揀左呢間。星期六下晝唔多人，唔使等位，有下午茶。呢個金不換肉碎飯 ($60)一上枱，賣相真係幾「家常」——白飯堆成小山，旁邊一兜深啡色偏濕潤嘅肉碎，有啲頹，肉碎質地鬆散，無乜咬口。金不換嘅香氣有，但唔算突出。配埋啲菜整體睇落似茶記碟頭飯，同想像中係有啲出入，味道同賣相都無乜特別。另外嘅越式生牛肉湯河 ($62)，牛肉片夠薄嫩，靠熱湯慢慢浸熟，份量唔算少，湯底都幾香，但湯面嘅油感比較明顯，建議加多啲辣椒平衡下。