三德素食館 (佐敦薈)

营业中

休息中

係尖沙咀覆完診，想食下素食，清腸胃，最後決定去三德。其實一直都聽聞三德的素食點心係素食界好出名，但係好少咁早出市區，未有食過。今次試下晚飯小菜先，如果OK，一定會再試下佢的點心。叫左四個菜，先來砂窩津白素翅雲吞，個湯底好味，唔似有味精，飲完無口渴。一直都喜歡食雲吞，三德的雲吞較散，個人覺得素雲吞都係大力素食的好味D。素海參豆腐味道不錯，尤其個豆腐，炸完後仍然好女嫰滑，素海參個造形好似真的，但就無乜味。串燒，坦白講真係麻麻地，因為之前係妙法齋食過一次類似的串燒，印象好深刻，好味過真串燒，三德呢個真係麻麻地，可以不試。干炒河粉，都係一般般，個味較淡，亦比較油。反而最後送的紅豆西米糖水，好好味，不太甜又足料。可能佢的點心會出色D，如果晚飯小菜，我覺得一般。