昭和食堂

营业中

休息中

銅鑼灣有間復古裝修風格嘅居酒屋，好似返咗去昭和時代咁樣～店內有好多玩具同裝飾，睇落都有好多細節🏮佢哋嘅嘢食都幾特別～印象比較深刻嘅係炸海鰻魚骨！平時鰻魚就食得多，但鰻魚骨真係第一次食🤣炸得好香脆，好適合做下酒菜！佢哋嘅昭和海鮮卷都唔錯，海膽鮮甜，下面有魷魚同埋吞拿魚蓉，口感好豐富😚之後仲食咗其他燒嘅嘢食，煙肉蠔都幾特別！平時煙肉都會包車厘子或者荔枝，但估唔到仲有同蠔嘅配搭🦪雞蠔肉串燒都幾好食，好嫩滑，配有大蔥別有風味！佢哋嘅酒盜炒山藥、流心蝦薯仔沙律、鮟鱇魚肝做前菜都幾合適～